Bllokohet rruga afër tunelit Tiranë-Elbasan, radha deri në 3 km e makinave
Nga OraNews Përditësimi i fundit 4 Maj 2022, 08:49
Radhë kilometrike automjetesh është krijuar mëngjesin e sotëm në hyrje të tunelit të rrugës Tiranë- Elbasan në krahun nga kryeqyteti.
Pamjet e siguruara nga Ora News tregojnë radhën e makinave deri ne 3 km në pritje për të hyrë në tunel me sens lëvizje nga Tirana drejt Elbasanit.
Shkak është një makine e cila është përfshirë nga flakët brenda tunelit të Elbasanit.
Zjarri dhe tymi ka shkaktuar dhe panik.
Policia informon se makina me drejtues shtetasin G.Q ka marrë flakë në lëvizje e sipër dhe është djegur plotësisht. Si pasojë ka vetëm dëme materiale.
Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
