Mario Draghi më 10 Maj vizitë në SHBA
Nga Alba Kepi Përditësimi i fundit 27 Prill 2022, 15:50
Kryeministri italian Mario Draghi më 10 maj do të udhëtojë për një vizitë pune në SHBA.
Ai do të zhvilloj një takim dypalësh në Shtëpinë e Bardhë me Presidentin amerikan Joe Biden.
"Do të jetë mundësia për të riafirmuar miqësinë historike e partneritetin e fortë mes dy vendeve", shkruan zyra e shtypit e Kryeministrit italian.
Në qendër të takimit do të jetë koordinimet me aleatët e masat e mbështetjes ndaj popullit ukrainas, e përpjekjet për të ndalur sulmin e pajustifikueshëm të Rusisë.
Gjatë takimit Biden-Draghi do të diskutohet dhe mbi marrëdhëniet ekselente dypalëshe e lidhjen transatlantike mes dy vendeve.
Kjo vizitë pune e kryeministrit Mario Draghi, do të ketë në agjendë dhe bashkëpunimin mes Italisë e SHBA, për menaxhimin e sfidave globale, sigurinë energjitike ndaj kushteve të ndryshimeve klimatike, si dhe lancimin e ekonomisë e zhvillimin e sigurisë transatlantike,
Dy liderët do të përballojnë dhe çështje rajonale si dhe përgatitjet e samiteve G7 e të NATO-s që do të zhvillohen në qershor të këtij vitit.
