Rusia ndërpreu gazin për Bullgarinë e Poloninë por jo për këto shtete europiane
Nga OraNews Përditësimi i fundit 27 Prill 2022, 11:14
E ndërsa Gazprom ka ndërprerë furnizimin me gaz natyror të lëngshëm për Bullgarinë dhe Poloninë pasi këto dy vende të Bashkimit Evropian refuzuan të paguanin në monedhën e rublas ka të tjera shtete që vijojnë të furnizohen normalisht me gaz rus
Austria, e cila ka vazhduar të paguajë për gazin e saj rus në euro, tha këtë mëngjes se furnizimet po vazhdonin pa kufizime. Ajo merr rreth 80% të gazit të saj nga Rusia.
Në mënyrë të ngjashme, Gjermania gjithashtu ka refuzuar të paguajë për gazin e saj në rubla. Mbrëmë, rregullatori i rrjetit të saj tha se po monitoronte situatën, por tha se siguria e furnizimeve të saj ishte "aktualisht e garantuar".
I vetmi vend i BE-së që ofron të paguajë për gazin e tij rus në rubla është Hungaria. Ministri i Jashtëm i saj tha këtë mëngjes se furnizimet ishin normale, duke shtuar se në maj do të transferonte pagesën e radhës për gazin rus në euro për Gazprombank për ta kthyer atë në rubla.
Ndërkohë Presidenti i Dumës Vyacheslav Volodin ka deklaruar se Rusia duhet të pezullojë furnizimin me gaz jo vetëm për Bullgarinë dhe Poloninë, por edhe për vendet e tjera armiqësore, shkruan agjencia ruse e lajmeve Tass.
