Popullsia e burgjeve po plaket, ja ku pozicionohet Shqipëria në raportin e Këshillit të Evropës
Nga OraNews Përditësimi i fundit 26 Prill 2022, 22:49
Këshilli i Evropës ka bërë një analizë duke përmbledhur gjetjet kryesore të statistikave vjetore të burgjeve për vitin 2021. Dyzet e nëntë nga 52 administratat e burgjeve në gjithsej 47 shtete anëtare të Këshillit të Evropës iu përgjigjën pyetësorit Space 1 2021, i cili ka një përqindje pjesëmarrjeje prej 94 përqind.
Sipas statistikave të fundit të Këshillit të Evropës të bëra në janar 2021, Maqedonia është e para për nga numri i të burgosurve të moshës 65 vjeç e lart, e ndjekur nga Serbia, Spanja, Bullgaria ndërsa Shqipëria renditet e 9-ta.
Bosnja dhe Hercegovina dhe Malta nuk dërguan përgjigje në pyetësor. Këshilli i Evropës thekson se kufizimet në mbarë botën të vendosura nga pandemia Covid-19 gjatë vitit 2020 kanë ndryshuar strukturën e mundësive të krimit.
Grupet e gjakut më të prekura ndaj sulmeve në zemër
26 Prill, 22:40
Si rezultat, shkeljet në internet janë shtuar. Gjithashtu, pandemia ngadalësoi funksionimin e prokurorive dhe gjykatave, si dhe u vu re një rënie e numrit të personave në burgje.
Mosha mesatare e të burgosurve në burgjet evropiane, sipas Këshillit të Sigurimit Evropian, është 36 vjeç. Në vendet me të paktën një milion banorë, kjo moshë varion nga 30 në 44 vjeç. Sipas të dhënave, 16,1 për qind e të burgosurve ishin të moshës 50 vjeç e lart dhe 2,7 për qind ishin të moshës 65 vjeç e lart.
Pyetësori Space 1 filloi të mbledhë të dhëna për të treguar se popullsia e burgjeve po plaket. Ajo që mund të thuhet për momentin është se prania e një përqindjeje relativisht të lartë të të burgosurve të moshës 50 vjeç e lart nuk lidhet drejtpërdrejt me renditjen e vendeve në treguesit e tjerë të paraqitur në këtë studim, si p.sh. shkalla e popullsisë së burgjeve apo gjatësia e dënimin me burg.
Rreth 95 përqind e të burgosurve në Evropë janë burra dhe vetëm 5 përqind janë gra.
Përqindjet tregojnë se shumica e të burgosurve nuk kryejnë vendime gjyqësore të formës së prerë, por janë në paraburgim, duke përbërë 22% të të burgosurve në Evropë. Rreth 17% e të dënuarve në burgjet evropiane janë dënuar për vepra penale të drogës. Të burgosurit e dënuar për vrasje dhe tentativë për vrasje përbëjnë 14 përqind të totalit, të ndjekur nga të dënuarit për vjedhje, 12 përqind.
Nëse të burgosurit që vuajnë dënimet me burg për vrasje, sulme, përdhunime dhe vepra të tjera seksuale hyjnë në një kategori, ata do të përbëjnë 36.6 për qind të popullsisë së burgosur në Evropë. Sipas informacioneve nga administratat e burgjeve të vendeve anëtare të Këshillit të Evropës, dhjetë kishin një dendësi burgu prej më shumë se 100 të burgosurish në 100 vende, ndërsa 7 kishin një mbipopullim të konsiderueshëm. Këto përfshijnë Rumaninë, San Marinon, Turqinë, Belgjikën, Greqinë, Italinë dhe Qipron.
Gjatë vitit 2020 janë pranuar 1 252 761 në IEVP dhe janë 1 146 994 dalje. Pothuajse të gjitha, pra 99 përqind e daljeve janë për shkak të vuajtjes së dënimit me burg, dhe 0,05 përqind për arratisje.
Ndërprerja e dënimit me burgim për shkak të vdekjes ndodh në 0.3 përqind të rasteve.
Shkalla e vdekjeve në burgjet evropiane në vitin 2020 ishte 29 të burgosur për 10,000 të burgosur, dhe shkalla e vetëvrasjeve ishte 5,7 përqind për 10,000 të burgosur.
Norma mesatare evropiane ishte 2.2 përqind e arratisjeve për 10 mijë të burgosur, që sipas Këshillit të Evropës krahasuar me vitin 2019 ka shënuar një rënie të ndjeshme.
Shpjegimi i pjesshëm është se masat për mbrojtjen nga koronavirusi dhe kontrolli i lëvizjes kufizonin lëvizjen e të dënuarve, si rrjedhojë sillnin më pak mungesa në burg dhe më pak punë jashtë mureve të burgut.
Është reduktuar dhe numri i vizitave në burg për shkak të masave të marra për të kufizuar përhapjen e koronavirusit.
