Marshim ndërgjegjësues për personat me sindromën Down, prindërit kërkojnë mbështetje ekonomike nga shteti
Nga Nertila Dosti Përditësimi i fundit 20 Mars 2022, 14:51
Një kromozom shtesë nuk e pengon Belkisën t`i gëzohet pasioneve fëmijërore e të thur ëndrra për të nesërmen.
“Luaj piano dhe balet. Kur të rritem dëshiroj të bëhem aktore.”
Marvit i pëlqen të luaj në piano dhe ndjek gjithashtu një kurs baleti por të ardhmen e dëshiron me mantelin e mjekut veshur.
“Më pëlqen të jem mjek, shëron njerëzit”.
Të dy, e bashkë me ta fëmijë e prindër marshuan të dielën për më shumë ndërgjegjësim e mbështetje për personat me sindromën down.
Ky çrregullim kromozomik sjellë vonesa në zhvillimin mendor e fizik të individit ndaj lipsen séance terapeutike qysh në fëmijërinë e hershme të cilat shtetit nuk i mbështet financiarisht.
“Çdo gjë me pagesë, është shumë e vështirë për ne.”
Prindërit thonë se ndihma ekonomike për aftësinë e kufizuar nuk mjafton për të përballuar shpenzimet e terapive të shumta.
“Po të llogarisim që seancat e terapisë që ajën 10 deri në 15 mijë lekë, ne nga shteti marrim 90 mijë lekë.”
Emanuela Pepkola drejtuese e fondacionit “Down Sindrom Albania” thotë se shërbimet që nuk ofrohen në institucionet publike por janë të aksesueshme në privat duhet të rimbursohen nga shteti.
“Nuk është diçka që po e shpikim ne, kështu e bëjnë shumë vende të botës që normalisht nuk arrijnë t’i mbulojnë shërbimet për të gjithë. Ndoshta jo 100% të vlerës por të paktën 50%."
Prindërit mendojnë më larg se e tashmja. Pyesin se çfarë do të ndodh me fëmijët e tyre nesër kur ata të mos u jenë më pranë.
Në këtë aspekt theksojnë nevojën e ngritjes së institucioneve të posaçme për kujdesin e personave me këtë sindrom.
“Jemi sot po nesër çfarë do të bëhet me këto fëmijë."
Në Shqipëri janë diagnostikuar me sindromën down mbi 800 persona.
