Rama kontrolle për çmimet e ushqimeve, në markete produktet bazë u rritën brenda pak ditëve
Nga OraNews Përditësimi i fundit 20 Mars 2022, 12:15
Pas deklarimit të paketës së rezistencës, kryeministri Edi Rama ka zbritur në terren për të verifikuar situatën me çmime. Në marketin që vizitoi së bashku me ministren e financave edhe një herë u konstatua shtrenjtimi i produkteve bazë.
“Duam të ketë një llok solidaritetit”- tha Edi Rama.
“Duam që pikat e shumicës dhe importuesit, e pikat e pakicës, të kenë disa çmime standarte”-tha Delina Ibrahimaj.
Një tjetër verifikim kreu i qeverisë e ka bërë dhe në furrat e bukës, ku sërish kërkoi solidaritet me situatën.
“Jeni i vetmi biznes në rajon dhe në Europë pa asnjë taksë, pa TVSH.”
Nuk munguan as replikat me klientët
“Pse mos ta kemi rrogën 500-700 euro”- tha qytetari.
“Ne kemi tatimin mbi pagën më të ulët në rajon.”- tha Rama.
Për dyshimet se pasha e bukës nuk është ajo e deklaruar Rama kërkoi ta verifikojë në terren
Inspektimet në terren nisën vetëm një ditë pas protestës së radhës para qeverisë, ku tubuesit kërkuan uljen e taksave dhe zgjidhje konkrete për rritjen e çmimeve.
Pavarësisht kërkesave kryeministri ka gjetur si zgjidhje vetëm ngritjen e bordeve të monitorimit.
