Kompleksi brenda bazës së Shëngjinit, ndërtuesi ka dokumentacion, prokuroria dyshon për tjetërsim abuziv
Nga OraNews Përditësimi i fundit 20 Mars 2022, 12:19
Ndërtuesit e një kompleksi brenda bazës ushtarake të Lezhës vijojnë betejën ligjore për ta cuar deri në fund investimin në zonën ushtarake që ka shkaktuar debate të forta dhe hije dyshimi për abuzim. Ndërsa ndërtuesit thonë se kanë dokumentacion të rregullt, prokuroria beson se toka mund të jetë tjetërsuar në shkelje të ligjit, ndaj po heton disa zyrtarë!
Vënia nën sekuestro preventive e objektit që po ndërtohej brenda bazës ushtarake detare të Shëngjinit është kundërshtuar nga shoqëria që po kryen këtë investim.
Kompania e ka ankimuar vendimin e Gjykatës së Shkallës së parë në Lezhë, mbi pasuritë e paluajtshme që sipas VKM Nr.515/2003 janë në administrim të Ministrisë së Mbrojtjes dhe konkretisht të palës kallëzuese Reparti Ushtarak Nr.2001, pjesë e strukturës organizative të Forcave të Armatosura të R.SH si dhe ndërtimet që janë kryer apo që janë në ndërtim e sipër mbi këtë territor.
Rama inspektoi çmimet në market, PD: Bordet alla komunizëm nuk janë zgjidhje e krizës. S’ka nevojë qytetari për lëmoshë
20 Mars, 11:42Në dokumentin e ankimimit thuhet se Gjykata ka gabuar në vendimmarrjen e saj pasi pa bërë një analizë të detajuar dhe të gjithanshme të kërkesës së prokurorisë, legjislacionit dhe provave të administruara në rastin konkret, ekzistencës së dyshimit të arsyeshëm se është kryer një vepër penale që ka lidhje me këtë pasuri.
Në këto kushte i kërkohet Gjykatës së Apelit në Shkodër që të heqë sekuestron preventive të vendosur pasurisë të llojit pyll me sipërfaqe 1000 m2, në proces ndërtimi të kompleksit “godinë 3 kat, pronë e cila është me certifikatë pronësie dhe leje ndërtimi të dhënë nga Bashkia Lezhë.
Pasuritë e paluajtshme dhe ndërtimet që janë kryer apo që janë në ndërtim e sipër në territorin e Bazës Ushtarake të Shëngjinit janë vënë në sekuestro preventintive me kërkese të Prokurorisë së Lezhës, e cila prej kohësh kishte nisur procedim penal për veprën penale “Shpërdorim detyre”
Dyshimet e organit të akuzës janë se kjo pronë është tjetërsuar në kundërshtim me ligjin, ndërsa në hetim për këtë çështje janë vënë disa zyrtar dhe ish-zyrtar lokal.
