Një jetë kushtuar arsimit, Emine e Sate Qose nga Korça bashkëshortë dhe kolegë
Nga Iris Rezhda Përditësimi i fundit 7 Mars 2022, 17:08
Ky 7 Mars shënoi 135 vjetorin e hapjes së Mësonjëtores së parë shqipe. Çifti i bashkëshortëve nga Korça, Emine dhe Sate Qosja të cilët jetën ja kanë kushtuar arsimit këshillojnë arsimtarët e rinj ta duan misionin dhe t`ju dedikohen më tepër nxënësve.
Të dy misionarë të dijes.
Çifti i bashkëshortëve Emine dhe Sate Qose, nga Korça kanë kaluar një jetë në shërbim të brezave të rinj.
Duke i edukuar dhe përcjellë te ta dritën e dijes.
Mësuese Emineja ka 20 vite që është shkëputur nga mësimdhënia.
Sot në pension tregon se ka mall për nxënësit e saj prej të cilëve mban ende kujtime.
“Që mbrëmë e kam përgatitur shtëpinë dhe kam nxjerrë gjithë letrat e nxënësve”
Sate Qose po ashtu kujton me nostalgji vitet e mësimdhënies.
“Kemi nostalgji për fëmijët të cilët i kemi kaluar në breza.”
Vlerëson kontributin e arsimtarëve të rinj por thotë me keqardhje se puna e tyre me nxënësit është e pamjaftueshme.
“Në plan të parë vinim moralin se si duhet të edukoheshin, gjë e cila sot ka një boshllëk në mënyrën e edukimit.”
Emineja ka një këshillë si mësuese e një merak si nënë e gjyshe:
“T’i duan sa më shumë nxënësit dhe t’i respektojnë.”
Në 135-vjetorin e hapjes së Mësonjëtores së parë Shqipe historiani Niko Kotherja çeli ekspozitën "Ylli Mëngjesit" me foto dhe dokumente që dëshmojnë kontributin e zonjave korçare në emancipimin e shoqërisë.
