Komisioni i Rithemelimit falenderon demokratët pas zgjedhjeve: Anëtarë, simpatizantë e deputetë të PD ti bashkohen vullnetit të popullit
Nga OraNews Përditësimi i fundit 7 Mars 2022, 15:28
Në mbyllje të zgjedhjeve të pjesshme vendore në 6 bashki, Komisioni i Rithemelimit të Partisë Demokratike falenderon me mirënjohje të thellë, të gjithë demokratët dhe anëtarët e koalicionit “Shtëpia e Lirisë” për mbështetjen e tyre të madhe në zgjedhjet e 6 Marsit.
Një falenderim të veçantë Komisioni i Rithemelimit të Partisë Demokratike thotë se ka për Shkodrën dhe qytetarët e saj të cilët me mbështetjen e tyre për kandidatin e “Shtëpisë së Lirisë” Bardh Spahia, dëshmuan se Shkodra si gjithnjë mbetet Rozafa e lirisë së shqiptarëve.
Duke u ndalur te procesi, Komisioni i Rithemelimit të Partisë Demokratike thekson se në këto zgjedhje u përballën "jo vetëm me kreun e Meduzës, por edhe me shtojcat e tij, që duan ta mbajnë Partinë Demokratike opozitë fasadë, peng të
"Gjithsesi, vota e popullit opozitar tregoi qartë se demokratët dhe opozita e vërtetë nuk mund të nënshtrohen dhe nuk mund të merren peng. Ajo është gati për t'u ringritur plot besim dhe shpresë" vijon deklarata.
Komisioni i Rithemelimit të Partisë Demokratike deklaron se vota e qartë e 6 Marsit tregoi se demokratët nuk duan t'i shkojnë pas në greminë, një kllouni që pas 6 humbjesh deklaron se nuk ka humbur kurrë dhe që provon se nuk do të arrijë të kalojë dot as pragun elektoral.
Komisioni i Rithemelimit të Partisë Demokratike, opozita e vetme dhe e vërtetë, i bën thirrje të gjithë anëtarëve, mbështetësve, drejtuesve, deputetëve që janë në Partinë Demokratike për shkak të idealeve dhe jo të interesave, t’i bashkohen vullnetit të popullit opozitar për një Parti Demokratike të Rithemeluar më të hapur, më të fortë dhe më të bashkuar.
