Pishmani i ngelur si kryetare bashkie në Shkodër? Ja si përgjigjet Voltana Ademi pasi votoi
Nga OraNews Përditësimi i fundit 6 Mars 2022, 16:51
Kryebashkiakja aktuale, Voltana Ademi, pasi ka hedhur votën në kuti, ka dalë në një deklaratë për mediat, ku dhe u ka bërë thirrje qytetarëve që të ushtrojnë vullnetin e tyre të lirë dhe të votojnë.
Voltana Ademi: Unë votova ushtova të drejtën time për të votuar në zgjedhjet vendore. Dua të bëj thirrje të gjithëve atyre që nuk kanë votuar. Të votojnë me vullnetin e vet të lirë, duke ushtruar një të drejtë kushtetuese, atë që është e zgjedhjeve për kryetar bashkie.
Kjo është një mundësi që na jepet të gjithëve na jepet, prandaj duke ushtruar këtë të drejtë marrim një vendimarrje të rëndësishme për qytetin tonë.
E pyetur se ai ka ngelur ndonjë gjë pishman, duke qenë se janë ditët e fundit si kryebashkiake e Shkodrës, Ademi u shpreh se është e lumtur se qytetarëve po u jepet e drejta për të votuar.
Pyetje: A ka diçka që ju ka ngelur pishman, duke qenë se janë ditët e fundit si kryetare Bashkie?
Voltana Ademi: Sot jam e kënaqur që të gjithë qytetarët e Shkodrës, të gjithë banorët e Shkodrës, më në fund u jepet mundësia të drejtën e vet për të ushtruar të drejtën e vet në zgjedhje. Pishmani është se përse kjo nuk ka ndodhur më para.
