Afera e incineratorëve/ Klodian Zoto e Stela Gugallja boshatisën llogaritë bankare para se të arratiseshin
Nga OraNews Përditësimi i fundit 15 Shkurt 2022, 13:42
Komisioni hetimor për incineratorët vijon sot me marrjen në pyetje të dy administratorëve të shtetit të cilët kanë marrë në administrim shoqëritë dhe pasuritë pasi Klodian Zoti dhe Stela Gugallja u shpallën në kërkim.
Faraudin Arapi administrator “Integrate technology Service” , Arjan Baçi administrator i “Albtek Energy”
Komisioni vijoi të zbulojë skandalet që fshihen pas.
Klodian Zoto dhe Stela Gugallja para se të largoheshin kanë boshatisur dhe llogaritë bankare. E konfirmoi Agim Baçi aktualisht administrator i “Albtek Energy”
Agim Baçi: “Nga të dhënat financiare që kemi marrë nga zyra e kontabilitetit rezulton që shoqëria “Albtek” ka mjete financiare të pakonsiderueshme gati gati në zero dhe deri tani edhe shërbimet e incinerimit dhe landfillimit është bërë nga të ardhurat që ka pasur kompania Albtek deri në këto moment. Në momentin e marrjes në dorëzim ka disa llogari bankare. Janë 5 mijë euro.
Jorida Tabaku: Dmth ato që janë sot në kërkim kanë zbrazur llogaritë bankare dhe janë larguar
Arben Pëllumbi i PS doli në krah kompanisë duke ndërhyrë: "Si i ka bilancet kompania nuk është detyra jonë."
Agim Baçi: Në momentin që flasim nga impianti bëhet ladfillimi i mbetjeve, sepse gjëndja financiare ishte zero dhe për të mbajtur në punë incineratorin kanë nisur të gjitha procedurat dhe hapat konkretë për të vijuar punën me djegien e plehrave dhe prodhimin e energjisë elektrike.
Gjithashtu u zbulua se në momentin e marrjes në administrim incineratori ishte funksional dhe prodhohej energjia elektrike por nuk shitej.
"Arkëtime nga shitja e energjisë elektrike nuk ka pasur Albtek, por prodhimi është bërë" tha Baçi.
