Fier, zjarri përfshin sipërfaqen me ullinj në Kodrat e Vajkanit, e pamundur ndërhyrja e zjarrfikësve
Nga OraNews Përditësimi i fundit 9 Shkurt 2022, 15:24
Një sipërfaqe e konsiderueshme toke e mbjellë me ullinj është përfshirë nga flakët në zonën e njohur si Kodrat e Vajkanit në Fier.
Zjarri i favorizuar edhe nga era e fortë, është përhapur në një territor të gjerë, duke përfshirë jo vetëm ullinj, por edhe shkurre.
Banorët e zonës kanë njoftuar menjëherë repartin e zjarrfikëses të cilët kanë mbërritur pranë vendit të zjarrit, por pa mundur dot të ndërhyjnë me mjete.
Terreni i vështirë e ka bërë të pamundur futjen e mjeteve, çka i ka detyruar punonjësit të shkojnë deri pranë vendit të flakëve në këmbë e me mjete rrethanore.
Zjarret në këtë periudhë të vitit janë të pazakontë, ndërsa kodrat e Vajkanit gjatë vitit të shkuar jo rrallë herë u përfshinë nga flakët, në pjesën më të madhe të tyre të qëllimshëm.
Lidhur me rastin e fundit po punohet për të gjetur shkaqet.
