"Na rrofshin telenovelat turke" A i bëri Rama dhuratë Erdoganit? Qytetarët: S'po i bën shqiptarëve, e jo më tjerëve. "Arkë me flori", thotë një tjetër
Nga OraNews Përditësimi i fundit 18 Janar 2022, 09:22
Presidenti turk, Rexhep Taip Erdogan, mbërriti mëngjesin e djeshëm, 17 janar në Shqipëri, ku mori marrë pjesë në ceremoninë e dorëzimit të banesave të ndërtuara nga Qeveria turke për personat që mbetën pa strehë, pas tërmetit të 26 nëntorit të vitit 2019, në qytetin e Laçit.
Por çfarë mendojnë qytetarët për vizitën e presidentit turk në vendin tonë? A i ka bërë Rama dhuratë Erdoganit?
Kjo ishte tema e rubrikës Vox Pop me Enkin në emisionin "Ditë e Re" në ekranin e RTV Ora.
Disa qytetarë nuk shprehën interes për vizitën e Erdogan në Shqipëri, disa të tjerë thanë se vizita dhe fjalimet si nga Rama ashtu dhe nga Erdogan ishin të mira.
Ndërkohë një qytetar thotë nëpërmjet mesazheve se Rama i ka dhënë të gjithëve çdo gjë dhe se për Erdogan nuk ka mbetur asgjë.
Përgjigjet e qytetarëve:
"Rama u ka dhënë të gjithëve çdo gjë, detin e ka shpërndarë, tokën, naftën. Nuk e di nëse do ngeli diçka për Erdoganin, por ndoshta do i japi shpirtin."
"Jetoj në Vlorë, erdha në Tiranë për ta parë nga afër, ishte shumë i shkurtër."
"Na rroftë që kemi mësuar turqisht, se mesa duket do përfundojmë turq."
"Ai s'po i bën dot dhuratë shqiptarëve e do i bëj tjerëve."
"Na rrofshin telenovelat turke, sepse kuptuam çfarë tha Erdogan."
"Shumë e mirë, Erdogani foli mirë. "
"Ne shqiptarët nuk dimë si të flasim për Erdoganin."
"Erdogani është diktator, mos të vish shpesh, se ngjallet Skëndërbeu."
"Do i ketë falur ndonjë arkë me flori, se nuk vjen kush kot."
