Komisioni i Rithemelimit të PD-së njofton mbajtjen e Referendumit më 18 Dhjetor, zyrtarizohet shkarkimi i Bashës
Nga OraNews Përditësimi i fundit 15 Dhjetor 2021, 09:03
Në datën 18 dhjetor, në të njëjtën ditë kur Lulzim Basha ka thirrur Kuvendin në Pallatin e Kongreseve, Komisioni për Rithemelimin e Partisë Demokratike do të mbajë referendumin për të zyrtarizuar shkarkimin e Bashës.
"Të gjithë të bashkuar me votën tonë të lirë në REFERENDUMIN e dt 18 Dhjetor!" shkruan Floriana Garo në Facebook, krahas njoftimit për Referendumin.
Bëhet me dije se orari i votimit do të fillojë në orën 08:00 të mëngjesit deri në orën 17:00 të pasdites së 18 dhjetorit.
Kuvendi i mbajtur në "Air Albania" nga zoti Berisha më 11 dhjetor vendosi shkarkimin e Lulzim Bashës nga posti i kryetarit të PD me 4446 vota.
