Përkujtohet Kleriku Bektashian, Kryegjyshi Botëror vlerëson kontributin e Baba Haxhi Saliaj
Nga OraNews Përditësimi i fundit 14 Dhjetor 2021, 21:38
Selia e Shenjtë Bektashiane, në bashkëpunim me Gjyshatën Gjirokastër përkujtoi Baba Haxhi Saliaj. Kryegjyshi Botëror Haxhi Dede Edmond Brahimaj vlerësoi kontributin e klerikut veçanërisht gjatë viteve 90.
Në Gjirokastër u përkujtua kleriku i shquar bektashian baba Haxhi Saliaj.
Selia e Shenjtë Bektashiane, në bashkëpunim me Gjyshatën Gjirokastër dhe rektoratin e Universitetit Eqerem Çabej përmes një aktiviteti risollën në vëmendje veprën dhe rolin e Baba Haxhi Saliaj.
Kryegjyshi Botëror Bektashian, Hirësia e Tij, Haxhi Dede Edmond Brahimaj vlerësoi kontributin e klerikut veçanërisht gjatë viteve '90.
Baba Haxhi Saliaj, u vlerësua me tituj të ndryshëm nderi nga Këshilli i Qarkut-Gjirokastër, Këshilli Bashkiak i Mallakastrës.
"Baba Haxhi Saliaj në aktivitetin e vet do të spikatej jo vetëm si klerik, pro me figurën e tij evidentohen atdhe dashuria, dëshira për dije dhe arsim."
"Gjithë jeta dhe veprimtaria e këtij kleriku të shquar kaloi përmes dallgësh dhe vështirësish të mëdha."
Kryegjyshi Botëror Bektashian, Hirësia e Tij, Haxhi Dede Edmond Brahimaj, nderoi me „Mirënjohje“ të veçantë disa besimtarë të teqesë së Zallit në Gjirokastër.
