Zgjedhjet 2013, Wolfarth: KQZ premtuese, partitë të zbatojnë kodin
Nga OraNews Përditësimi i fundit 8 Nëntor 2012, 16:50
Mesa duket KQZ e re do tu japë një frymëmarrje jo partiake zgjedhjeve të ardhshme parlamentare. Të pakëtn kjo është disktuar në takimin e parë të Grupit Ndërkombëtar të Punës për Zgjedhjet, i organizuar nga Prezenca e OSBE-së në Shqipëri.Ambasadori i OSBE-së në Tiranë, Eugen Wollfarth, ka vënë theksin se anëtarët e rinj të KQZ-së e kanë nisur punën me vrull dhe të mos ndikohen nga partitë politike."KQZ-ja i ka hyrë punës me vrull dhe duket e vendosur për ta kryer atë me profesionalizëm dhe në mënyrë jopartiake. Deri më tani vendimet kanë qenë të njëzëshme dhe më vjen mirë të them se klima e përgjithshme e takimeve në KQZ ka qenë pozitive. Është shumë e rëndësishme që KQZ-ja të bëjë përpjekjet maksimale për t'i realizuar me efikasitet përgatitjet komplekse për zgjedhjet parlamentare"-tha ai.Madje i ka bërë thirrje partive politike që të respektojnë kodin e ri zgjedhor."Konsensusi i arritur nga partitë kryesore parlamentare për të përfunduar me sukses reformën zgjedhore duhet të pasohet nga një zbatim i plotë dhe i sinqertë i kodit të ndryshuar zgjedhor nga të gjithë aktorët e përfshirë” theksoi ai.Sipas diplomatit shqiptarët në këtë 100 vjetor të pavarësisë presin një proçes zgjedhor të suksesshëm.
