I shpallur në kërkim për vrasje, arrestohet 25-vjeçari në Tiranë
Nga OraNews Përditësimi i fundit 10 Nëntor 2021, 12:34
Policia e Tiranës ka vënë në pranga një shtetas të shpallur në kërkim për vepra të ndryshme penale.
Blutë e kryeqytetit bëjnë me dije se u bë arrestimi i shtetasit R. Sh., 25 vjeç, banues ne Tiranë, pasi Gjykata e Shkallës së Parë e Rrethit Gjyqësor Tiranë, i ka caktuar masën e sigurisë “Arrest në burg”, për veprat penale “Vrasja me dashje” mbetur në tentativë, kryer në bashkëpunim, “Prodhimi dhe shitja e narkotikëve”, “Prishja e qetësisë publike” dhe “Falsifikimi i letërnjoftimeve, i pasaportave ose i vizave”.
Ky shtetas, më datë 12.06.2021, në rrugën “Kahreman Ylli”, në afërsi të një lokali, së bashku me vëllain e tij, shtetasin K. Sh. (i arrestuar në flagrancë), janë konfliktuar me armë zjarri me shtetasin V. P., 33 vjeç dhe 2 persona të tjerë. Si pasoje e të shtënave ka mbetur i plagosur në këmbë shtetasi E. Gj.
Materialet kaluan në Prokurorinë e Rrethit Gjyqësor Tiranë, për veprime të mëtejshme.
