Nga Rama, Veliaj, Veliu e kreu i SPAK, kush do të thirret për të dëshmuar në Komisionin Hetimor për 25 prillin
Nga OraNews Përditësimi i fundit 18 Tetor 2021, 18:29
Zyrtarët dhe politikanët më të lartë socialistë, pritet që të thirren për të dwshmuar para Komisionit Hetimor Parlamentar për zgjedhjet e 25 prillit, mes tyre do të jetë edhe kryebashkiaku i Tiranës Erion Veliaj.
Alibeaj: "Në kuadër të analizës së plotë mbi këtë çështje do të thirren për të dëshmuar në Komisionin Hetimor personat apo funksionarët publikë të mëposhtëm:
1.Edi Rama - Kryeministër i Shqipërisë
2.Arben Ahmetaj - Ministër i Shtetit për Rindërtimin
3.Bledar Çuçi - Ministër i Punëve të Brendshme
4.Belinda Balluku - Ministër i Infrastrukturës/Energjisë
5.Ogerta Manastirliu - Ministër i Shëndetësisë/Mbrojtjes Sociale
6.Frida Krifca - Ministër i Bujqësisë dhe Zhvillimit Rural
7.Erion Veliaj - Kryetar i Bashkisë Tiranë
8.Emirjana Sako - Kryetare e Bashkisë Durrës
9.Arben Kraja - Drejtues i SPAK
10.Olsian Çela - Prokuror i Përgjithshëm
11.Ardi Veliu - Ish-Drejtor i Përgjithshëm i Policisë së Shtetit
12.Gledis Nano - Drejtor i Përgjithshëm i Policisë së Shtetit
13.Artan Lame - Drejtor i Përgjithshëm i ASHK
14.Linda Karçanaj - Drejtori i Përgjithshëm i AKSHI
15.Shkëlqim Hajdari - Inspektor i Përgjithshëm i Inspektoriatit Qëndror
16.Reida Kashta - Drejtor i Përgjithshëm i Agjencisë së Prokurimeve Publike
17.Sokol Zaimi - Drejtor i Rezervave Materiale të Shtetit
18.Bledar Doracaj - Drejtor i Përgjithshëm i Gjendjes Civile
19.Albana Kociu - Drejtor i Departamentit të Administratës Publike
20.Adrian Çela - Administrator i OSHEE Group
21.Laert Duraj - Ish-Drejtor i Përgjithshëm i Postës Shqiptare
22.Besnik Dervishi - Komisioner për Mbrojtjen e të Dhënave Personale
Në mbledhjen e parë konstituese u parashtrua plani paraprak i hetimit, i cili përmblidhet ne 9 pika nga ajo qe njihet si "patronazhistët", pagesat në periudhe zgjedhore të të prekurve nga tërmeti, dhënia gjatë fushatës e tenderave publik dhe koncesnioneve të mëdha, 120 milion euro shpenzime nga bashkitë për asfaltim rrugësh, rritja e pagave të administratës publike me periudhë fushate, 13 mijë punësime me kontrata të pjesshme, disbursim para kohe i ndihmës ekonomike, legalizimi i më shume se 10 mije ndërtesave si dhe mbyllja e kufijve me Greqinë dhe Maqedoninë.
PD ka kontestuar 9 parregullsi
Përveç blerjes së votës, PD ka konstatuar edhe 9 rrethana konkrete të sintetizuara të parregullsive të procesit zgjedhor:
1-Përdorimi i të dhënave personale i të paktën 910 mijë qytetarëve, patronazhistët;
2-Pagesa e 125 milionë euro nga fondet publike përgjatë fushatës zgjedhore për shpërblimin e mijëra familjeve që u prekën nga tërmeti i vitit 2019 në shkelje të ligjit me qëllim blerjen e votave nga familjet ën nevojë;
3- Dhënia e tenderave publikë dhe koncesioneve të mëdha. Shuma rekord prej 505 milionë eurosh u regjistrua në muajt nëntor-dhjetor 2020;
4-Shpenzimi i 120 milionë eurove nga bashkitë vendore për punë asfaltimi;
5-Rritja e pagave të administratës publike me 63 milionë euro në periudhë zgjedhore;
6-Punësimi i përkohshëm i 13 mijë punonjësve të rinj në administratën publike në periudhë zgjedhore;
7-Disbursimi i parakohshëm i fondit të ndihmës ekonomike prej 2.5 milionë euro dhe shtesa e paligjshme prej 20 mijë familje në periudhën zgjedhore;
8-Legalizimi i më shumë se 10 mijë ndërtesave informale në shkëmbim të votës;
9-Mbyllja e pajustifikuar dhe e rregullt e kufijve shtetërorë me Greqinë dhe Maqedoninë e Veriut për moslejimin e votuesve të diasporës të hynin në Shqipëri
Më tej Alibeaj deklaroi se hetimi do të sqarojë mënyrën e zbatimit të ligjit, përdorimin e funksioneve publike në funksion të zgjedhjeve, kuadrin ligjor për mbrojtjen e të dhënave personale si dhe hetimin e veprimeve dhe mosveprimeve të organeve publike.
"Hetimi do të sqarojë mënyrën e zbatimit të ligjit, përdorimin e funksioneve publike në funksion të zgjedhjeve. Hetimi do të hetojë kuadrin ligjor për mbrojtjen e të dhënave personale, cila janë subjektet që janë detyrimin për mbrojtjen e të dhënave personale. Cilat janë arsyet që i kanë shtyrë autorët për kryerjen e këtyre shkeljeve. Cili është kuadri ligjor sa i takon shpërblimeve për dëmet e shkaktuara nga tërmeti i vitit 2019.
Cilat janë subjektet që i kanë shkelur detyrimet ligjore dhe cilat janë arsyet që i kanë shtyrë për kryerjen e këtyre shkeljeve? Cili është kuadri ligjor që rregullon dhënien e lejeve të legalizimit gjatë procesit zgjedhor? Cilët janë subjektet e ngarkuar nga ligji për dhënien e lejeve? Cilat janë arsyet që i kanë shtyrë subjektet e mësipërme për kryerjen e këtyre shkeljeve? Cili është kuadri ligjor që rregullon punësimet në administratën publike?
Detyrat e komisionit janë kontrolli i veprimeve dhe mosveprimeve për mbledhjen e informacionit. Kontrolli i veprimeve të organeve publikeve sa i takon dhënies së shpërblimeve, kompensimeve, dhënien e ndihmës ekonomike. Do të hetohet numri i procedimeve penale për krimet zgjedhore dhe fazën e hetimit të tyre. Komisioni hetimor do të përdorë të gjitha metodat e hetimit, përfshirë këqyrjen, kontrollin apo sekuestrimin e akteve pranë institucioneve përgjegjëse. Në përputhje me nevojat gjatë hetimit do caktohet ekspertë”, tha Alibeaj.
