Bie nga çatia e banesës që po riparonte, humb jetën punëtori, nën hetim pronari

Nga OraNews Përditësimi i fundit 9 Shtator 2021, 12:07

Një punëtor ndërtimi ka gjetur vdekjen pasi ka rënë nga banesa ku po punonte.

Ngjarja në vendin e quajtur Qafë Qelë, fshati Gomsiqe në Pukë, ndërsa viktima është identifikuar si P.N., 66 vjeç banues në lagjen “Kalaja”, Lezhë.

Ai po kryente disa punime në çatinë e banesës së vjetër të shtetasit  Gj.D., 64 vjeç, banues në lagjen “Skenderbeg”, Lezhë, kur ka rënë nga lartësia.

Specialistët për Hetimin e Krimit të Komisariatit të Policisë Pukë, proceduan penalisht  për veprën penale “Shkelja e rregullave të  mbrojtjes  në punë" pronarin e banesës.

Materialet iu referuan Prokurorisë pranë Gjykatës së Parë Pukë, për veprime të mëtejshme.