Shuhet zjarri në Pllanë, ishte kërcënim për banesat dhe shtyllën e tensionit të lartë
Nga Elvis Hila Përditësimi i fundit 7 Shtator 2021, 11:34
Zjarri i madh që përfshiu masivin pyjor në Pllanë të Lezhës është bërë i mundur të shuhet plotësisht në orët e para të mëngjesit të kësaj të marte.
Por dëmet e shkaktuara prej tij janë të mëdha.
Gjithçka nisi rreth orës 15:49 të pasdites së të hënës, 6 shtator, me djegien e një stalle në afërsi të "Urës me Harqe".
Më pas flakët u përhapën në masivin pyjor duke rrezikuar zonën e banuar dhe një shtyllë të tensionit të lartë.
