Shënohet viktima e parë pas një muaji nga COVID-19/ Regjistrohen 30 raste të reja në 24 orët e fundit

Nga OraNews Përditësimi i fundit 28 Korrik 2021, 16:44

Një viktimë dhe  30 raste të reja me Covid-19, janë regjistruar në 24 orët e fundit në vendin tonë.

Ministria e Shëndetësisë, bën me dije se numri më i lartë i të infektuarve është regjistruar në Tiranë me 14 raste, duke vijuar me 4 raste në Elbasan, 3 raste në Lezhë, 2 raste në Shkodër, nga 1 rast në Durrës, Kurbin, Korçë, Librazhd, Sarandë, Delvinë, Kuçovë.

Pavarësisht përpjekjeve të mjekëve në spitalin Infektiv, nuk e ka fituar dot betejën një qytetar 74 vjeç nga Kurbini, i cili nuk ishte vaksinuar ndaj Covid19.

Aktualisht janë 321 pacientë aktivë me COVID19 në të gjithë vendin.

Vihet re një rritje e rasteve të pacientëve që kanë nevojë për trajtim spitalor. Aktualisht në Spitalin Infektiv po marrin trajtim të specializuar 17 pacientë.

Janë shëruar 8 qytetarë gjatë 24 orëve të fundit, duke e çuar numrin e të shëruarve në 130,174 që nga fillimi i epidemisë. 

Statistika (28 Korrik 2021)

Raste të reja ditore        30

Të shëruar në 24 orë     8

Të shtruar në spitale      17

Humbje jete në 24 orë   1

Testime ditore                3316

Testime totale             889,044

Raste pozitive             132,952

Raste të shëruara       130,174

Raste Aktive                      321

Humbje jete                   2,457

Shpërndarja gjeografike e rasteve aktive sipas qarqeve:

Tiranë              115

Elbasan            45

Kukës                32

Lezhë               32

Vlorë                28

Fier                   16

Durrës              16

Shkodër           15

Korçë                10

Berat               8

Gjirokastër        4