SPAK e BKH marrin llogaritë bankare, Qeveria miraton vendimin për subjektet që do kenë akses
Nga OraNews Përditësimi i fundit 9 Korrik 2021, 21:29
Qeveria ka hedhur një tjetër hap në luftën kundër krimit të organizuar dhe korrupsionit.
Këshilli i Ministrave ka miratuar në mbledhjen e djeshme listën e institucioneve që u lejohet akses i plotë dhe i menjëhershëm dhe i pafiltruar në të dhënat e regjistrit të llogarive bankare në bazën e të dhënave qendrore.
Kështu institucionet e reja të drejtësisë, SPAK dhe BKH, por edhe SHISH tashmë do të kenë në dorë të gjithë informacionin e mundshëm për llogaritë bankare të qytetarëve.
