Riza: Sulçe ideon statistikat, i kthehet ‘ashpër’ moderatorja: Nuk i manipulon dot
Nga OraNews Përditësimi i fundit 8 Korrik 2021, 23:19
Statistikat e ndeshjeve të kampionatit evropian, janë bërë temë debati, në emisionin “Euro 2020” në RTV Ora.
Pasi gazetari Drilon Xhepollari ka treguar statistikat, Florian Riza është shprehur se i vetmi që nuk debaton në lidhje me këtë çështje është Altin Sulçe, pasi sipas tij ky i fundit është ideatori i tyre.
Në këtë moment ka ndërhyrë moderatorja Albana Bejko, e cila ka thënë se nuk mund të ndryshojë dot statistikat.
Florian Riza: Ka një rakordim midis statistikave dhe dëshirave të Drilonit për të krijuar këtë debatin në studio. I vetmi njeri që nuk debaton për statistikat është vetëm Sulçe, sepse kam përshtypjen se është pjesë e sistemit.
Albana Bejko: Statistikat mbeten të pandryshuara.
Florian Riza: Mos është ideatori i statistikave.
Albana Bejko: Statistikat nuk i manipulon dot
Florian Riza: Nuk i manipulon, por i krijon. Segmenti brenda emisionit bashkëpunon me studion tjetër.
