Artistët pa mbështetje nga shteti, shpërthen Besnik Çinari: Marr pension qesharak, turp kombëtar
Nga OraNews Përditësimi i fundit 7 Korrik 2021, 19:28
Pas artistes Drane Xhai as aktori i humorit shqiptar, Besnik Çinari nuk kurseu komentet, për të shprehur pakënaqësitë që ka rreth pensionit qesharak që merr.
Ai pohon për emisionin "Ora Verore" se nuk ndihet i vlerësuar për punën artistike që ka bërë ndër vite. Çinari gjithashtu i cilëson pensionet e vendit tonë "turp kombëtar".
Ronaldo Sharka: Thuhet se artistët e brezit tuaj merrni mijëra euro pension. Sa e vërtetë është?
Besnik Çinari: Unë e kam pensionin 295 mijë lekë të vjetra, gruan pa punë, vajzën pa punë. A e imagjinon se si mund të jetohet me këtë pension? Unë kam qenë në Amerikë, Kanada e Gjermani, por tani në moshën që jam, nuk më ftojnë më. Prandaj për punën që kam bërë, duhet të ma vlerësonin. Nuk e kisha menduar që pas 31 viteve demokraci, ta ketë fshatari pensionin 90 mijë lekë të vjetra. Ky është një turp kombëtar.
Për të parë intervistën e plotë shikoni videon:
