Negociatat, Basha: Autokratët e korruptuar të Ballkanit kanë guximin të hedhin fajin te BE

Nga OraNews Përditësimi i fundit 2 Korrik 2021, 15:27

Kreu i Partisë Demokratike, Lulzim Basha ka reaguar në lidhje me Forumin e Prespës, ku mes liderëve të rajonit ka qenë edhe kryeministri Edi Rama.

Në fjalimin që mbajti në formumin e Prespës, kryeministri këmbënguli që Ballkani Perëndimor nuk duhet të jetë peng i BE-së por të ecë përpara me projektet e saj.

Kryedemoktrati përmes një postimi në Twitter ka reaguar në lidhje me fjalën e Ramës për mos çeljen e negociatave.

Basha shkruan se "autokratët e korruptuar të Ballkanit kanë guximin të hedhin fajin te BE për mungesën e përparimit."

"Ishte një kohë kur zyrtarët e BE-së si Reinhard Priebe folën për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre u drodhën, reflektuan ose u larguan me votë. Duket se për momentin gjërat kanë ndryshuar.

Autokratët e korruptuar të Ballkanit kanë guximin të hedhin fajin te BE për mungesën e përparimit, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe aspiratat e njerëzve në Ballkanit Perëndimor”, shkruan Basha.