Ndotja e lumit Gjanica në Fier po arrin nivele alarmante
Nga Inelda Vallja Përditësimi i fundit 21 Qershor 2021, 14:45
Ndotja e Gjanicës po arrin nivele alarmante.
Mbeturinat buzë lumit dhe ngjyra e ujit tregojnë më së miri gjendjen e situatës mjedisore.
Efekti më i madh negative duket se vjen nga mbetjet e hidrokarbureve nga fabrikat dhe uzinat në Ballsh dhe zonat përreth.
Banorët që preken nga Gjanica kujtojnë kohën kur uji jo vetëm ishte i pastër, por edhe përdorej për t'u pirë.
"Gjanica më parë ishte shumë e mirë, e pastër, laheshim dhe pinim ujë. Tani punon uzina në Ballsh," thotë banori.
"Kur ishte e pastër këtu nuk mbaronte peshku," thotë banori.
"Ne pinim ujë në Gjanicë, ka qenë i pastër shumë. Tani është ndotur," thotë banori.
Por, tashmë kohët kanë ndryshuar, dhe uji i Gjanicës është bërë i papërdorshëm edhe për vaditje.
"Vjen i turbullt, edhe bimët thahen po i vadite," thotë banori.
Ndotja e lumit është kthyer prej kohësh në problem shqetësues mjedisor por autoritetet nuk kanë një plan konkret për zgjidhjen e situatës.
