Tiranë/ Teste false Covidi, kërkohet ndalimi edhe i atyre që i blenë për 15-25 euro

Nga Keti Banushi Përditësimi i fundit 21 Qershor 2021, 15:40

Një grup prej 15 personash mes të cilëve edhe mjekë dhe infermierë akuzohen nga prokuroria e Tiranës për falsifikimin e testeve anti-Covid me të cilat shtetasit shqiptarë kanë udhëtuar drejt vendeve të BE-së. Kapja e shtetasve shqiptarë me teste false është kthyer në shqetësim edhe për Frontex, ndërkohë që hetimi i prokurorisë ka zbardhur edhe skemën si funksiononte ky aktivitet kriminal.

Prokuroria e Tiranës ka firmosur urdhërndalime për 15 persona mes tyre dy mjekë, njëri pranë QSUT.

Procedimi penal për veprën  “falsifikimi dokumentave, falsifikimi dokumentave shëndetësore, falsifikimi vulave dhe stampave dhe formularëve dhe prodhimi i mjeteve për falsifikimin e dokumentave”, parashikuar nga neni 186, 188, 190 de 192 të Kodit Penal ishte regjistruar më 21 prill 2021.

Besnik Çullhaj administratori i një shoqërie denoncoi se faktin se  falsifikoheshin nga persona të paidentifikuar fletë të analizave të testit të Covid-19 me logon e laboratorit të tij duke vendosur barkode dhe të dhëna të rreme.

Për këtë fakt ai kishte marre informacione nga individe por edhe nga policitë e vendeve të BE për shtetas shqiptar të cilat kanë udhëtuar në këto shtete duke përdorur fletë analiza me emrin e këtij laboratorit të cilat ishin të fallsifikuara.

Hetimet zbuluan se personi që mund ti falsifikonte këto teste ishte shtetasi Ronald Karrica i cili kishte një dyqan internet-fotokopje-printime në rrugen “Zihni Sako” Tiranë pranë vendit të quajtur "Oxhaku".

Gjatë kontrollit në sirtare dhe raftet e dyqanit jane gjetur dhe sekuestruar teste të plotesuara dhe bosh me logon e laboratorëve G… dhe A… edhe në koshin e mbeturinave të tij janëkonstauar,gjetur dhe fiksuar teste Covidi të grisura.

Përmes whatsapp klientët i kërkonin të prodhonte teste Covidi kundrejt pagesës për persona të tjerë të cilët do të udhëtonin jashtë Shqiperise.

Këta persona i nisnin Ronald Karrica foton e kartës së identitetit të personit, kohën e nisjes së tij,vendin nga do të kalonte dhe i kërkonin që ti siguronte testin në dispozicion të tyre në afatin që klientët e donin.

Gjithashtu është zbulura se kishte dhe disa të tjerë të cilët i gjenin klientë organizatorit dhe më pas ata i ndanin fitimet sipas numrave për testet që kanë kryer.

Janë firmosur urdhëndalime për Klodian Muharremime profesion mjek laborant prane QSUT, Marinela Kalaja mjeke prane kompanise F...Net, Eltjon Kola, Klodjan Krasniqi, Blerim Cibaku, Erlind Prenga, Artur Dani, Alfred Cani, Mario Bicja, Xhuliano Senko, Ervin Hoxha, Tauland Kamberi, Eraldo Kalemaj, Ermir Koci dhe Igli Çela inxhinier ne OSHEE.

Të arrestuarit janë përfituesit në mënyrë të drejtëpërdrejtë të testit të falsifikuar pa iu nënshtruar ekzaminimit laboratorik kundrejt një shume prej 15-25 euro.