I zë korrenti në kabinë, plagosen dy elektriçistë në Gjirokastër

Nga OraNews Përditësimi i fundit 31 Maj 2021, 10:40

Dy elektriçistë të OSHEE Gjirokastër kanë mbetur të plagosur si pasojë e rënies në kontakt me rrymën elektrike në një kabinë të vjetër në lagjen "Gërhot".

G.Ç. dhe L.V kishin shkuar te kabina për të inspektuar gjendjen pasi fidri i zonës së Çelos kishte rënë duke lënë pa energji elektrike disa fshatra.

Mësohet se dy elektriçistët janë lënduar në gjymtyrë gjatë kontaktit me korrentin.

Ata janë transportuar në spitalin e Gjirokastrës për mjekim dhe ndodhen jashte rrezikut për jetën.