Ballsh/ U dogj gjatë punës në rafinerinë e naftës, ndërron jetë pas 27 ditësh 51-vjeçari
Nga Isa Myzyraj Përditësimi i fundit 30 Maj 2021, 18:11
Humb jetën pas 27 ditësh Viktor Ballaj 51 vjeçari punëtor i kompanisë private të naftës në Ballsh, nuk u mbijetoj dot plagë të marra nga djegia që iu shkaktua nga marrja flakë e një tubacioni në dekantimin e naftës.
Ngjarja ndodhi mëngjesin e 3 marsit 2021, në vendin e quajtur Qafa e Kashit ku operon një firmë private nafte.
Kemi raportuar që tek ky pus nafte ka marrë flakë një tubacion e për pasojë, punëtori Ballaj, i cili ishte i vëtëm aty mori djegie të shumta, ku pas mjekimit në Fier u nis për Tiranë.
Pas incidentit u arrestua shefi teknik Erion Alushaj i cili pas 3 ditësh, datën 7 mars u njoh nga gjykata Fier me masën "Detyrim paraqitje”.
Alushaj, shef pranë sektorit të dekantimit në një kompani nafte, njeherësh përgjegjës edhe për punetorin që mbeti i djegur e tashmë humbi jetën Viktor Ballaj.
Ato ditë raportuam se në fshatin Kash në Mallakastër mori flak një tubacion dhe pas shpërthimit të një pompe centrifugale në sektorin e dekantimit të kompanisë së naftës u dëmtua me djegie operatori i prodhimit Viktor Ballaj 50 vjeç.
40 vjeçari Erion Alushaj u akuzua për veprën penale shkelja e rregullave te mbrojtjes në punë pasi nuk kishte marrë masa për sigurinë teknike
Ato dite edhe banoret e zones u shprehen se degjuan zhurma dhe ndjehen te kercenuar qe jetojne aq prane puseve te naftes pa asgje mase mbrojtese per jeten.
