Kanabis mes arave dhe serave, vijon aksioni kundër kultivimit të bimëve narkotike në Krujë
Nga OraNews Përditësimi i fundit 31 Maj 2021, 08:43
Forcat Speciale të Policisë së Shtetit vijojnë operacionin kundër kultivimit të bimëve narkotike në Malësinë e Krujës.Të dielën u asgjësuan rreth 20 mijë rrënjë bimë narkotike, dhe u vunë në pranga 16 persona, ndërsa 24 të tjerë u shpallën në kërkim.
Aksioni kundër kultivimit të bimëve narkotike në fshatrat e krujës vijon edhe këtë të hënë.
Këto pamje tregojnë forcat Speciale të Policisë së Shtetit teksa nisen nga Fushë Kruja për kontrollin e territorit.
Në fokus tashmë janë vendosur fshatrat e Malësisë së Krujës, ku sipas burimeve ka dyshime dhe informacion për tentativa të kultivimit të bimëve narkotike.
16 persona u arrestuan dhe 24 të tjerë të shpallën në kërkim gjatë operacionit “Agimi” kundër kultivimit të kanabisit në fshatrat Halil dhe Arramerras, po në Krujë.
Kontrollet janë bazuar në informacionet e marra Guardia Di Financa duke bastisur sera, magazina, banesa e zona të pyllëzuara.
Gjatë aksionit u zbulua një laborator kultivimin e bimëve narkotike me llamba dhe disa tentativa të kultivimit mes serave.
Kruja vijon të jetë në qendër të vëmendjes të policisë pasi si asnjëherë më parë kontrollet e autoriteteve italianë monitorimet i kanë filluar prej më shumë së 1 muaji dhe pikërisht nga qyteti i Krujës dhe rrethinat e saj.
