Si ra në kurthin e policisë pedofili, mendonte se po takonte një 14-vjeçare
Nga OraNews Përditësimi i fundit 21 Maj 2021, 17:44
Studenti 27-vjeç Minesh Patel është arrestuar në Londër në vendin ku mendonte se do takonte një 14-vjeçare , me të cilën synonte të kryente marrëdhënie intime.
I riu ka rënë në kurthin e "Guardians of the North" të cilët i ishin prezantuar si një 14-vjeçare duke e joshur dhe ftuar në takim.
Në të vërtetë, 27 vjeçari ishte duke komunikuar me "gjuetarët" e pedofilëve të cilët ishin maskuar si vajzë e mitur.
Patel, nga Harrow, Londër, u arrestua pak më vonë dhe u paraqit dje në Gjykatë.
Ai u deklarua fajtor për përpjekjen për të shkaktuar ose nxitur një fëmijë në aktivitet seksual.
Patel u dënua me 28 muaj burg. Gjykatësi Tom Mitchell, ka shpjeguar se si Kyle Bell, anëtare e këtij grupi kishte hapur një profil të rremë me emrin Lory ku prezantohej si 14-vjeçare.
“I riu i arrestuar e kishte kontaktuar dhe gjatë bisedës përdorte emrin rahulpatel 26 në ueb-faqen meet for you. Pas këtij veprimi i kishte dërguar mesazhe në WhatsApp, duke i kërkuar fotografi.
Ai i kishte folur për puthje dhe marrëdhënie intime, i kishte dërguar edhe vendin e ndodhjes duke i kërkuar që të takohen ballë për ballë. Madje i kishte kërkuar para me qëllim që të mund të udhëtoj deri te ajo me autobus. "
Patel gjithashtu i është nënshtruar një urdhri për parandalimin e dëmit seksual për dhjetë vjet dhe duhet të nënshkruajë listën e shkelësit seksual, shkruan Dailymail.
