"Gjatë 30 viteve në politikë nuk ka ekzistuar asnjë akuzë korrupsioni për mua", Berisha i përgjigjet Blinken: Bëni publike çdo fakt
Nga OraNews Përditësimi i fundit 19 Maj 2021, 18:04
Ish-kryeministri Sali Berisha i është përgjigjur me anë të një statusi në Facebook deklaratës së sekretarit amerikan Antoni Blinken.
Teksa Departamenti i Shtetit i ndalon hyrjen atij dhe familjarëve në Amerikë, ish-kryeministri sjell në vëmendje multi-miliarderin amerikan George Soros dhe kërcënimet e tij pse Berisha doli kundër ndryshimit të kufijve. Në Ballkan.
"Unë gjithashtu kam denoncuar ne mediet shqiptare dhe te huaja, duke ditur shume mire pozicionin por edhe lidhjet e panumërta te tij, multi-miliarderin George Soros, si korruptorin me kryesor te politikaneve te sotëm dhe ne gjykimin tim, si një armik te vërtetë të demokracisë në vendin tim," shkruan ish-kryeministri Berisha.
"Përveç kësaj kam denoncuar i pari dhe me forcën më të madhe, publikisht dhe vetëm publikisht, projektin e ndryshimit të Kufijve të Kosovës, i përgatiur nga fondacioni i George Sorosit në Beograd, për çka dhe jam kërcënuar për pasoja, por natyrisht nuk jam impresionuar," shkruan në statusin e tij Berisha.
Ish kryeministri sjell në vëmendje të gjitha arritjet e bëra gjatë qeverisjes së tij në partneritet me Amerikën, ku përmend anëtarësimin e Shqipërisë në NATO, firmosja e Marrëveshjes së Stabilizimit Asociimit dhe liberalizimi i vizave me Bashkimin Europian.
Në përgjigje të sekretarit amerikan Blinken, Berisha thotë se ai nuk është prej 8 vjetësh në pushtet, ndërsa ka denoncuar me forcë të gjitha aktet korruptive sipas tij të qeverisë Rama.
"Ndjehem krenar me te gjitha qëndrimet e mia dhe ju siguroj se ato kanë qenë dhe do të jenë të motivuara vetëm nga interesi publik dhe kombëtar i kombit shqiptar," shkruan ish-kryeministri dhe ish – Presidenti Berisha ndërsa thekson se "vendimi i Departamentit të Shtetit nuk mund ta lëkundë kurrë admirimin për vendin, kombin e madh e mik amerikan dhe miqtë në SHBA."
Postimi i Plotë:
Pergjigje zotit Antony Blinken, Sekretar i Departamentit te Shtetit te SHBA per vendimin e tij per te ndaluar hyrjen time ne SHBA!
Zoti Sekretar!
Nga mediat u njoha me vendimin tuaj te shpallur ne twitter per te ndaluar hyrjen time ne SHBA.
Lidhur me kete vendim dua te shpreh sa vijon.
Gjate 30 viteve ne politike nuk ka ekzistuar kurre asnje akuze ne adrese time, nga asnje person, asnje institucion vendas apo i huaj per abuzim te fondeve publike dhe çfaredo lloj tjeter korrupsioni.
Shtoj gjithashtu se gjate te gjitha viteve te mia ne pushtet, por dhe deri me sot, familjaret e mi nuk kane perfituar kurre nga fonde dhe asete publike dhe kane zbatuar me rigorozitet te plote ligjet e vendit. Ata deri me sot nuk kane qene kurre nen akuze nga drejtesia shqiptare apo e ndonje vendi tjeter.
Duke shprehur keqardhje per vendimin dhe duke e konsideruar ate pa asnje baze konkrete, ju ftoj te beni publike çdo fakt e dokument qe administrata e juaj, apo kushdo ne bote, mund te disponoje per te argumentuar pretendimin tuaj per mua dhe familjaret e mi.
Gjithashtu gjykoj se nje nder faktoret me kryesore qe qeveria qe une kam drejtuar arriti te anetaresoje Shqiperine ne NATO, te firmose Marrveshjen e Stabilizimit Asociimit dhe liberalizoje vizat me Bashkimin Europian, te arrije nivelin e pragut te MCAC, dhe te terheqe investime madhore, por edhe te shenoje kulme ne marredheniet midis dy vendeve tona mike, ka qene lufta e suksesshme kunder korrupsionit dhe krimit te organizuar e dokumentuar kjo dhe ne raporte dhe vleresime te qeverise se SHBA.
Gjate 30 viteve ne politike une kam patur ne SHBA, dhe kam me shume se ne cdo vend tjeter, miq te medhenj, me te cilet ndihem gjithnje krenar.
Mirenjohja ime mbetet e pakufishme per gjithçka vendi i juaj i madh ka bere per lirine e kombit tim.
Po keshtu jam perpjekur dhe nuk kam nguruar kurre te marr cdo vendim ne interes te perbashket midis dy vendeve. Dua te theksoj se vendimi juaj nuk mund te lekunde kurre admirimin tim per vendin, kombin e madh e mik amerikan dhe miqte e mi ne SHBA.
Zoti sekretar!
Une kam 8 vite qe kam dhene doreheqjen nga çdo funksion drejtues dhe jam larguar nga pushteti por kam qendruar i vendosur ne mbrojtjen e interesit publik dhe kombetar te shqiptareve, ashtu siç i vleresoj une ato.
Une kam denoncuar me shume se kushdo tjeter ne kete vend publikisht brenda dhe jashte vendit, krimin e organizuar shqiptar dhe bandat e tij, kartelet e droges, lidhjet e tyre me zyrtaret me te larte shqiptare, por edhe te huaj, korrupsionin e papermbajtur qeveritar ne Shqiperi.
Po keshtu une kam mbeshtetur reformen ne drejtesi e te gjitha ndryshimet kushtetuese, por kam kritikuar dhe denoncuar çdo akt te ndermarre ne kundershtim flagrant me amendamentet kushtetuese per vendosjen e kontrollit te plote politik mbi sistemin e drejtesise.
Une gjithashtu kam denoncuar ne mediat shqiptare dhe te huaja, duke ditur shume mire pozicionin por edhe lidhjet e panumerta te tij, multimiliardierin George Soros, si korruptorin me kryesor te politikaneve te sotem dhe ne gjykimin tim, si nje armik te vertete te demokracise ne vendin tim.
Perveç kesaj kam denoncuar i pari dhe me forcen me te madhe, publikisht dhe vetem publikisht, projektin e ndryshimit te Kufijve te Kosoves, i pregatiur nga fondacioni i George Sorosit ne Beograd, per çka dhe dhe jam kercenuar per pasoja, por natyrsht nuk jam impresionuar.
Se fundi, duke mos pretenduar kurre se une jam i pagabueshem, duhet t’ju garantoj se une ndjehem krenar me te gjitha qendrimet e mia dhe ju siguroj se ato kane qene dhe do te jene te motivuara vetem nga interesi publik dhe kombetar i kombit shqiptar dhe e verteta, te cilat une i kam mbrojtur njelloj si sot edhe ne kohen kur te rinjte shqiptare ekzekutoheshin ne kufi per realizimin e endrres tyre amerikane.
Sinqerisht Sali Berisha!
