Halimi në auditorët e juridikut: Edukimi cilësor, i rëndësishëm për sistemin
Nga OraNews Përditësimi i fundit 7 Maj 2013, 18:16
Me rastin e 100 vjetorit te Drejtësisë Shqiptare, Ministri Eduard Halimi mbajti një takim të hapur më studentët e Fakultetit të Drejtësisë me mesazhin se edukimi cilësor në auditor është i rëndësishëm për shtetin e së drejtës.“Puna në drejtësi do profesionalizëm, përkushtim, vullnet për ti bërë ballë presionit politik e ekonomik. Nëse ju edukoheni cilësisht e sigurt që do bëheni gjyqtarë, prokurorë, avokatë, më të mirë, dhe më i drejtë, më i besueshëm do jetë edhe sistemi.” ,tha Ministri Halimi në fjalën e tij.Ministri vlerësoi me rëndësi tre shtyllat mbi bazë të të cilave qëndron suksese i sistemit te drejtësisë: Llogaridhënia dhe përgjegjshmëria,(transparenca), efiçensa, pavarësia dhe paanësia.“Unë gjykoj se nga problemet që meritojnë vëmendjen e duhur brenda sistemit është pavarësia apo paanësia e gjyqtarëve, përgjegjshmëria e tyre para ligjit;përgjegjshmëria dhe llogaridhënia para qytetarëve. Ndaj është i rëndësishëm monitorimi, për të ndarë profesionistët me integritet nga devijantët e ligjit”theksoi ai.Më pas ai shpalosi para studentëve reformat e suksesshme të arritura nga Ministria e Drejtësisë si dixhitalizimi i sektorëve të drejtësisë (Noteria, ZRPP, Gjyqësor) si dhe hartimin dhe miratimin e Paketës së drejtësisë kriminale dhe asaj civile ; reformimi i Gjykatës së Lartë, reformën në pagat e gjyqtarëve, prokurorëve dhe oficerëve të policisë gjyqësore.etj.Në këtë 100 vjetor të Drejtësisë ministri Halimi deklaroi hapjen e aplikimeve për intership në Ministrinë e Drejtësisë të 100 studentëve.
