Vuçiç me 12 maj në Kosovë, përpjekje për të bindur serbët për marrëveshjen
Nga OraNews Përditësimi i fundit 5 Maj 2013, 11:30
Zv.kryeministri i Serbisë, Aleksandër Vuçiç do ta vizitojë më 12 maj Kosovën dhe do të bisedojë me serbët në lidhje me marrëveshjen e Brukselit, ndërsa më 7 maj do të mbahet një takim në Beograd.Ai ka thënë e ka ndërgjegjen e qetë dhe nuk i frikësohet gjykimit të popullit të vet për qëndrimin e tij ndaj Kosovës."Unë e kuptoj qëndrimin e serbëve të Kosovës,por nuk kuptoj përpjekjen e tyre që të ndërrojnë hartën politike të Serbisë dhe moskuptimin e pjesës më të madhe të Serbisë, njerëzve të tjerë” tha ai.Ndërkohë, vizita e paralajmëruar e zëvendëskryeministrit të Serbisë, Aleksander Vuçiç në komunat veriore të Kosovës për javën e ardhshme, sipas kryeministrit Hashim Thaçi është në funksion të zbatimit të marrëveshjes së 19 prillit.Thaçi është shprehur i bindur se marrëveshja për normalizimin e marrëdhënieve me Serbinë do të zbatohet në tërësi.“Këto angazhime janë në kuadër të lehtësimit dhe bindjes së serbëve në veri që kjo marrëveshje është zgjidhja e vetme për të ardhmen e tyre. Prandaj, ne duhet të jemi inkurajues për të gjithë akterët që mund të ndihmojnë në bindjen e njerëzve për ta pranuar marrëveshjen”, tha ai.
