Tirana- Bylis, formacionet e mundshme
Nga OraNews Përditësimi i fundit 4 Maj 2013, 16:32
Tirana kërkon të rikthehet te fitorja në shtëpi sot përballë skuadres së Bylisit. Kryeqytetasit edhe pse kanë bërë një sezon për tu harruar këtë vit, kërkojnë që nga dy ndeshjet e fundit të marrin maksimumin për ta mbyllur sezonin të pakten me dy fitore.Nga ana tjetër skuadra e Bylisit, e cila e ka mendjen më shumë te finalja e kupes se sa te kampionati kërkon që sot ndaj kryeqytetasve të marrë së paku një pikë për të siguruar qendrimin në kategorinë superiore.Ballshioteve u nevojitet vetem 1 pikë në dy ndeshjet e mbetura që të zyrtarizojnë automatikisht qëndrimin në eliten e futbollit shqiptar edhe për sezonin e ardhshëm.Trajneri Dede premton që skuadra e tij do ta mbyllë me dinjitet kampionatin, ndërsa thekson se stafi po mendon që tani për sezonin e ardhshëm. Në kampin tjetër tekniku Shensojë pret nga djemtë e tij fitore për të siguruar qendrimin në Supërligë.Në përballjen e dites së sotme tekniku i bardhebluve pritet të hedhë në fushë formacionin: 3-4-2-1. Në portë: Çaka. Në mbrojtje: Pigoni, Pashaj, Hoxhallari. Në mesfushë:Sina, Taku, Muça, Ahmataj. Në Sulm: G. Lika dhe Hysenbelliu do të jenë mbështetësit kryesot të sulmuesit Çota në repartin e avancuar.Në kampin tjetër trejneri i skuadres së Bylisit, Shensoji, pritet të hedhë nga minuta e parë formacionin: 4-4-2. Në portë: Haxho. Në mbrojtje: Idrizi, Adigun, Buzi, Kelmendi. Në mesfushë: Tahiraj, Arifaj, Ikpe, Huan. Ndërsa në sulm do të jenë dyshja: Bakiu dhe Arbëri.Ndeshja do të luhet në orën 17.00 në stadiumin kombëtar "Qemal Stafa".
