Gjermania dëbon një grup azilantësh nga Kosova dhe Maqedonia
Nga OraNews Përditësimi i fundit 4 Shkurt 2016, 22:45
Autoritetet gjermane kanë dëbuar një grup azilkërkuesish nga Kosova dhe Maqedonia, pas shqyrtimit të kërkesave të tyre dhe vendimit për të mos qëndruar në vend.Sipas policisë federale, azilkërkuesit u nisën nga aeroporti i Mynihut me fluturime çarter drejt destinacioneve Prishtinë dhe Shkup.Në shtator të 2015 Gjermania shpalli Shqipërinë, Kosovën dhe Malin e Zi vende të sigurta , që do të thotë se të gjithë shtetatit nga këto vende, përfshirë Serbinë, Bosnje Hercegovinën dhe Maqedoninë, nuk përfitojnë të drejtën e azilit dhe për pasojë do të dëbohen automatikisht nga Gjermanina.Gjatë këtij muaji Gjermania ka regjistruar 91.671, thuajse më pak se gjysma e nëntorit të 2015, një tregues i dukshëm që kancelarja Merkel po mban premtimin e saj per reduktimin e fluskit të klandestinëve.Gjermania ka rivendosur kontrollin në pikat kufitare më Austrinë, hyrja kryesore e emigrantëve dhe po kërkon të përshpejtojë dëbimet e atyre që nuk kualifikohen për azil.Merkel ka thënë se numri i emigrantëve që hyjnë Gjermania do të bjerë ndjeshëm pasi 1.1 milion arritën vitin e kaluar, duke e bërë kështu Gjermaninë destinacionin e preferuar të pjesës më të madhe të klandestinëve që ikin nga luftrat në Siri, Afganistan dhe Irak.
