Jahjaga: Serbia s`mund të organizojë referendum në Kosovë
Nga OraNews Përditësimi i fundit 29 Prill 2013, 11:47
Serbia nuk mund të organizojë referendum brenda territorit të Kosovës. Kjo është përgjigja që presidentja Atifete Jahjaga dhe dhënë pas deklaratave të zëvendëskryeministrit të Serbisë, Aleksandër Vuçiç, se nëse është e nevojshme për marrëveshjen e Brukselit do të organizohet edhe referendumi, duke përfshi edhe territorin e Kosovës.Zëdhënësi i presidentes së Kosovës ka thënë për mediat se asnjë shtet tjetër përveç Kosovës nuk mund të organizojë referendum.Ideja për referendumin rreth marrëveshjes Thaçi - Daçiç, ka lindur pas takimit që liderët e komunave veriore të Kosovës zhvilluan të enjten me kryeministrin dhe zëvendëskryeministrin e Serbisë.Liderët e komunave veriore të Kosovës kanë insistuar vazhdimisht për këtë referendum.Ndërkohë mbajtja e referendumit serb konsiderohet se mund të ketë shumë efekte, ku përfshihet edhe dështimi i marrëveshjes me Prishtinën. Gjithastu nëse serbët e Kosovës do ta kundërshtonin atë kjo do të pasohej me rënien e qeverisë në Beograd dhe shpalljen e zgjedhjeve të jashtëzakonshme atje.Kurse për Prishtinën, organizimi i këtij referendumi brenda territorit të Kosovës do të ishte një veprim në kundërshtim me kushtetutën dhe integritetin e saj.
