Neymar rikthim 360 gradë, "Nuk më intereson Barcelona"
Nga OraNews Përditësimi i fundit 17 Prill 2013, 11:00
Neimar duket se ka ndërruar mendje për një transferim të tij në Europë dhe veçanërisht te skuadra e Barcelonës.Një deklaratë e bujshme e orëve të fundit ka ndryshuar plotësisht situatën për transferimin e sulmuesit brazilian Neimar në radhët e Katalanasve. Futbollisti këtë radhë është shfaqur krejtësisht kundër idesë së kalimit në radhët e Barcelonës, edhe pse kjo lëvizje përflitet prej kohësh."Barcelona nuk më intereson. Mund të jetë një klub i madh por unë ndjehem mirë te Santos. Nuk dua të largohem nga këtu. Jam i lumtur dhe nuk e kam të nevojshme të shkoj në Evropë", janë fjalët e sulmuesit të publikuara në shumë faqe interneti sportive në Brazil dhe që kanë bërë shumë bujë në Spanjë, ku pritet me padurim transferimi i tij në radhët e katalanasve.Fjalët e Neimar bien në kundërshtim me ato që ka thënë pak ditë më parë një prej përfaqësuesve të tij, Andre Kuri, i cili kishte bërë të qartë se lojtari ishte shumë afër katalanasve për shkak të interesimit të këtyre të fundit."Barcelona ka një interes absolut për Neimar, ai është në krye të listës së preferencave të kësaj skuadre. Kur ai të vendosë të largohet nga Santos, do të jemi të përgatitur", ishin fjalët e menaxherit, por që tani janë përgënjeshtruar në mënyrë të bujshme nga lojtari që ka hedhur dyshime mbi të ardhmen e tij.Talenti brazilin është një nga lojtarët më të kërkuar nga klubet Europiane prej vitesh por dëshira e tij për të qëndruar në atdhe ka bërë që bigët e Europës të mos arrijnë një marrëveshje me lojtarin që duket se ka vendosur të transferohet në kontionentin e vjetër vetëm pas Botërorit "Brazil 2014".
