Ndërpriten shkarkimet e Fierzës, përmirësohet situata e përmbytjeve në Shkodër
Nga OraNews Përditësimi i fundit 11 Prill 2013, 15:36
Janë ndërprerë që nga mbrëmja e së Mërkurës shkarkimet e ujrave në liqenin e Fierzës, menjëherë pas ndërprerjeve të reshjeve të shiut. Një gjë e tillë ështe bërë me synimin për t'i ardhur në ndihmë zonës së Shkodrës tashmë në gjendje mjaft të rëndë si rrjedhojë e përmbytjeve.Pritet që në ditët e ardhshme të nisë të bjerë niveli i ujrave të liqenit si rrjedhojë e rënies së prurjeve, që gjithsesi ende është i lartë.Burime nga salla e komandës së hidrocentralit të Fierzës pohojnë se, në orët e mëngjesit të së Premtes prurjet e ujrave arrijnë në mbi 550 metër kub ujë në sekondë.Por duke qenë se niveli i ujrave të liqenit është 296,50 metra mbi nivelin e detit, sërish prurjet konsiderohen të larta.Liqeni i Fierzës shërben si rregullator edhe për dy liqenet e tjerë të mëdhenj të kaskadës së Drinit, liqenin e Vaut të Dejës dhe të Komanit.Ndërprerja e shkarkimeve ka bërë që për momentin nga liqeni I Fierzës të derdhen në liqenin e Komanit rreth 350 metër kub ujë në sekondë nga puna e 4 turbinave që punojnë për prodhimin e energjisë elektrike.Në liqenin e fierzës, sipas specialistëve puna vazhdon normalisht deri në nivelin e 296 metrave mbi nivelin e detit, ndërsa niveli I ujrave mund të shkojë edhe deri në 298 metra mbi nivlein e detit në raste të rralla.
