Një person vret rojen dhe veten në një ndërtesë federale në Manhatan
Nga OraNews Përditësimi i fundit 22 Gusht 2015, 15:30
Një person hapi zjarr në një ndërtesë federale në jug të Manhatanit, ku ndodhet edhe një zyrë emigracioni. Autori i kësaj ngjarje mësohet se sapo ka hyrë në ndërtesë ka qëlluar mbi rojen e sigurisë duke e lënë atë të plagosur rëndë.Forca të shumta policie dhe autoambulanca mbërritën menjëherë në vendin e ngjarjes. Edhe pse oficeri i policisë u dërgua me urgjencë në spital, ai nuk mundi t'u mbijetojë plagëve të mëdha që mori e për pasojë humbi jetën.Ndërsa personi që qëlloi, sipas mediave është vetëvrarë pasi qëlloi policin dhe pasi një numër i madh automjetesh të policisë mbërritën në vendin e ngjarjes.Një zyrtar i policisë identifikoi autorin si Kevin Doëning, rreth të 60-ave, por motivi i ngjarjes mbetet ende i paqartë dhe hetimet po vijojnë.Banorët e Manhatanit reaguan të shokuar nga ngjarja, ndërsa u shprehën se të shtënat me armë janë bërë thuajse të përditshme."Kjo është bota në të cilën jetojmë, ulesh në një tren apo lëviz në një rrugë dhe nuk je asnjëherë i sigurt se cfarë të pret, se cfarë do të ndodhë"- thotë një prej tyre.
