Tirana e Athina përplasen për kishën në Dhërmi , MPJ: Po ndërhyni në punët tona

Prishja e një objekti kulti e njohur si Kisha Shën Athanasit në Dhërmi shkakton përplasjen e fundit mes Tiranës e Athinës zyrtare.Të dy ministritë kanë reaguar përmes deklaratave të zëdhënësve përkatës. Dje (21 gusht 2015) zëdhënësi i Ministrisë së Jashtme greke i quajti “të papranueshme aktet e dhunës”.Madje shkoi më tej duke thënë se veprime të tilla janë "qartë jo elementë të një shteti që do të jetë pjesë e familjes europiane"Ndërkohë ministria e jashtme shqiptare shpreh habinë dhe shqetësimin ndaj këtij reagimi të nxituar : "Një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. Konstatojmë se qëndrimi i djeshëm i zëdhënësit të Ministrisë së Jashtme greke, përbën, në këtë kontekst, një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë."Reagimi i ministrisë së jashtme greke"Informacioni për episodet e dhunshme që ndodhen në kishën e Shën Athanasit na shqetëson shumë. Heqja e ikonave nga objektet e shenjta të kishës si dhe dëmtimet nga punonjësit e bashkisë së Himarës janë të papranushme dhe akte të dënueshme, pavarësisht çdo pretendimi ligjor, dhe janë qartë jo elementë të një shteti që do të jetë pjesë e familjes europiane.  Respektimi i Lirive Fetare, mbrojtja e vendeve të kultit dhe mospengimi i ushtrimit të besimit janë karatkteristika të një shteti të së drejtës dhe parimeve europiane. Kërkojmë nga qeveria shqiptare të jepen shpjegime dhe të merren masa të menjëhershme në lidhje me këtë çështje." Reagimi i Ministrisë së Jashtme shqiptareNë vijim të interesimit të medias mbi deklaratën e zëdhënësit të MPJ greke mbi të ashtuquajturin incident të ndodhur në terrenin e kishës së Shën Thanasit në Dhërmi,  zëdhënësi i MPJ të Shqipërisë Glevin Dervishi shprehu habinë dhe shqetësimin ndaj këtij reagimi të nxituar.

 Shqipëria përkujdeset të sigurojë zbatimin e ligjit në tërësinë dhe pacenueshmërinë e tij.  Në raport me bashkësitë fetare, po ashtu edhe në raport me parandalimin e çfarëdolloj informaliteti dhe dallimin e tij nga shfrytëzimi korrekt i pronës private , në përputhje me të drejtat dhe detyrimet që burojnë nga Kushtetuta e Republikës së Shqipërisë, Konventa Evropiane e të Drejtave të Njeriut dhe aktet e tjera ndërkombëtare në të cilët Shqipëria aderon.

 Në Republikën e Shqipërisë marrëdhënia midis institucioneve të shtetit shqiptar dhe institucioneve fetare janë tepër të shëndosha dhe mishërojnë frymën e bashkëjetesës unikale mes besimeve të këtij vendi.  Komiteti Shtetëror i Kulteve siguron në këtë kuadër dialogun e privilegjuar që, si çdo bashkësi tjetër, edhe Kisha Ortodokse Autoqefale e Shqipërisë, e cila ka përfaqësuesit dhe zëdhënësit e saj përkatës në territorin shqiptar, gëzon me pushtetet publike.  Shqipëria është e gatshme të ndajë eksperiencën e saj të vyer me Greqinë në ketë drejtim.

 Konstatojmë se qëndrimi i djeshëm i zëdhënësit të Ministrisë së Jashtme greke, përbën, në këtë kontekst, një ndërhyrje në mbarëvajtjen e rendit të brendshëm civil, administrativ dhe gjyqësor të Republikës së Shqipërisë. Po ashtu, ai paragjykon në mënyrë të njëanshme dhe eksesive angazhimin e kahershëm të Greqisë për të shoqëruar integrimin evropian të Shqipërisë, të mbështetur nga partnerët e tjerë evropianë, gjë e cila bie ndesh edhe me praktikën e konsultimit dhe qasjes së përbashkët të problemeve mes vendeve qe ndajnë të njëjtën aspiratë evropiane.

 Ky qëndrim,  është larg frymës së bashkëpunimit dhe mirëkuptimit të ndërsjellë midis Shqipërisë dhe Greqisë, të cilën kishte për qellim të promovonte takimi i fundit i Ministrave Bushati - Kotzias. Ai është larg çdo parimi dhe praktike ndërkombëtare që orientojnë marrëdhëniet dypalëshe midis dy vendeve sovrane si dhe normave dhe frymës së bashkëpunimit evropian dhe fqinjësisë së mirë.

Ministria e Punëve të Jashtme e Republikës së Shqipërisë shpreson se deklarata e djeshme, e cila në asnjë mënyrë nuk mund të shihet si qëndrim i një autoriteti që ushtron garanci morale apo kanonike mbi Kishën ortodokse autoqefale shqiptare dhe besimtarët e saj, do të mbetet vetëm një insinuatë e izoluar në zhvillimin e mëtejshëm të marrëdhënieve shqiptaro-greke.​ 

[caption id="attachment_565837" align="alignnone" width="640"] Ne foto: Kisha Shën Athanasit në Dhërmi[/caption][caption id="attachment_565829" align="alignnone" width="640"] Ne foto: Kisha Shën Athanasit në Dhërmi[/caption][caption id="attachment_565825" align="alignnone" width="640"] Ne foto: Kisha Shën Athanasit në Dhërmi[/caption][caption id="attachment_565826" align="alignnone" width="640"] Ne foto: Kisha Shën Athanasit në Dhërmi[/caption][caption id="attachment_565828" align="alignnone" width="640"] Ne foto: Kisha Shën Athanasit në Dhërmi[/caption][caption id="attachment_565994" align="alignnone" width="640"] Ne foto: Reagimi i ministrise se jashtme greke per kishen ne Dhermi[/caption][caption id="attachment_565997" align="alignnone" width="640"] Ne foto: Reagimi i ministrise se jashtme shqiptare per kishen ne Dhermi[/caption]

/Oranews.tv/