Shitja e energjisë, çmimi do të jetë 7.4 lekë për kilovat/orë
Nga OraNews Përditësimi i fundit 6 Shkurt 2015, 12:48
Ministria e Energjisë ka nënshkruar një marrëveshje me shoqatën e prodhuesve të Energjisë për vendosjen e një çmimi mesatar të shitjes së energjisë.Në bazë të një formule të përllogaritjes së çmimit, është arritur në një zgjidhje të mesme, ku çmimi i shitjes, i cili ishte 9.3 lek për kilovat/orë dhe që u ul në 6.6 lek për kilovat/orë, pas vendimit më të fundit të ERE-s, në bazë të marrëveshjes mes ministrisë dhe prodhuesve do të jetë 7.4 lekë për kilovat/orë.Gjithashtu, Ministria e Energjisë dhe Industrisë dhe Koorporata Elektroenergjetike Shqiptare angazhohen të vazhdojnë përpjekjet për sigurimin e burimeve financiare të nevojshme për likuidimin e të gjitha detyrimeve të akumuluara ndër vite kundrejt prodhuesve të pavarur të energjisë, brenda 5 mujorit të parë të 2015.Koorporata Elektroenergjetike thekson se do të bëjë të gjitha përpjekjet për të siguruar shlyerjen e faturave pa vonesa për periudhën Janar 2015 dhe në vijim.
