Shqipëri-Kosovë të angazhuara për luftën ndaj krimit ndërkufitar
Nga OraNews Përditësimi i fundit 30 Janar 2015, 12:30
Shqipëria dhe Kosova angazhohen për luftë të përbashkët ndaj krimit ndërkufitar. Në një tryezë me përfaqësues të lartë të dy vendeve të mbajtur në Prizren, ushtruesi i Detyrës të Prokurorit të Përgjithshëm të Kosovës Sylë Hoxha kërkoi që të rritet bashkëpunimi.2014- ka rritur nivelin e kriminalitetit ndërkufitarë mes Kosovës dhe Shqipërisë. Deklarata vjen nga Ushtruesi i Detyrës, i Prokurorisë së Përgjithshme të Kosovës Sylë Hoxha, në një tryezë të përbashkët në Prizren mes dy palëve të përfshira.Ambasadori i Shqipërisë në Kosovë, dhe Prefekti i Qarkut të Kukësit, kërkuan që të rivitalizohet vija kufitare Shqipëri-Kosovë për zhvillimin e vazhdueshëm të komuniteteve.Të pranishëm ambasadorë të akredituar në Kosovë, kanë theksuar domosdoshmërinë e bashkëpunimit, mes shqiptarëve, duke shtuar se kufiri që ata i ndan, të jetë thjeshtë imagjinar.
