Tiranë, lokali i basteve përfshihet nga flakët, vetëm dëme materiale
Nga OraNews Përditësimi i fundit 6 Janar 2015, 08:30
Një zjarr masiv ka përfshirë një lokal pak minuta pas mesnate në lagjen kombinat të Tiranës. Ngjarja ka ndodhur në rrugën Besim Alla dhe ka vënë në alarm gjithë banorët e zonës.Makina të shumta zjarrëfikëse, forca të policisë si edhe dy autoambulanca mbërritën menjëherë në lokalin e përfshirë nga flakët, ndërsa u deshën disa minuta për vënien nën kontroll të zjarrit.Lokali i djegur ishte një pike bastesh, ndërsa dyshohet se shkak për nisjen e flakëve është bërë soba me dru që përdorinin për ngrohje në një aneks të tij. Zjarri ka shkaktuar vetëm dëme materiale dhe nuk ka të lënduar. Banorët përreth lokalit u alarmuan nga frika se flakët mund të përhapeshin edhe në shtëpitë e tyre. Për disa minuta përreth vendit të ngjarjes u shkeput edhe energjia elektrike. Policia ka nisur hetimet për të zbuluar shkakun.
