24 vjetori i RD, Basha: Media të ruajë pavarësinë përballë fraksioneve të krimit
Nga OraNews Përditësimi i fundit 5 Janar 2015, 22:45
Në 24 vjetorin e themelimit të Rilindjes Demokratike, gazetës së parë opozitare në Shqipëri, kryetari I Partisë Demokratike kishte një mesazh të fortë.Lulzim Basha apeloi median shqiptare që të ruajë pavarësinë përballë fraksioneve të krimit të organizuar qeverisë që po tentojnë ta kapin dhe ti imponojnë çensurën e tyre ndaj "të vërtetave të hidhura".“Ky diskurs synon të identifikojnë format e reja, akoma më të sofistikuara, të përpjekjeve për marrjen nën kontroll të mediave nga pushteti ekzekutiv dhe krimi i organizuar, për të vënë nën censurë të vërtetat e hidhura, të dhimbshme dhe tronditëse të jetës së përditshme të qytetarëve.Për të prodhuar realitete virtuale të një mirëqënie, sigurie dhe normaliteti inekzistent për shumicën dërrmuese të qytetarëve. Për të frenuar e mundësisht ndalur për hesap të qeverisë shpirtin e protestës dhe revoltës qytetare kundër gënjeshtrave, mashtrimit dhe përkeqësimit të gjendjes për shkak të politikave të qeverisë. Ky në fakt është antimisioni i medias në demokraci.”Ndërsa akuzoi qeverinë për krijimin e medias konformiste basha tha se shembulli më tipik është rezoluta për dekriminalizimin e parlamentit.“Qeverinë që ka nevojë të ngutshme të hedh në sulm kundër opozitës kë të mundet e kë të gjejë të disponueshëm për të nënvleftësuar e përbaltur çdo përpjekje dhe nismë që ka për qëllim të ndalojë të keqen, përfshirë nismën tonë historike për dekriminalizmin e Kuvendit dhe administratës, për çmontimin e mekanizmit që promovon trafikantë dhe kontingjente të krimit të organizuar në institucionet përqaqësuese dhe në postet drejtuese”, u shpreh Basha.Në ceremoninë e rastit ishin të pranishëm drejtues ndër vite të gazetës Rilindja Demokratike, politikanë, pronarë dhe drejtues mediash dhe gazetarë.
