OSHEE gjobit qytetarët, mbifaturime, fatura afrore dhe ndërprerje dritash
Nga OraNews Përditësimi i fundit 24 Dhjetor 2014, 16:42
OSHEE ka nisur aksionin e mbifaturimit të qytetarëve. Shumë prej tyre tregojnë se kanë marrë borxhe vetëm për të shlyer detyrimet ndërkohë që i duhet të përballen me neglizhencën e kompanisë.Qytetarët shqiptarë megjithëse po hyjnë në borxhe dhe po kursejnë edhe bukën për të paguar faturat e energjisë OSHEE i shpërblen me mbifaturime mos njohje të pagesave të bëra.Duke pritur në radhë me orë të tëra për të qenë në rregull me shtetin ata ankohen se abuzimet kohët e fundit janë rritur ndjeshëm.Por nuk është ky i vetmi problem vetëm pak kohë më parë OSHEE u akuzua se blinte energji me çmime të shtrenjta. Autoriteti i Konkurrencës konstatoti se blerja e energjisë bëhej duke favorizuar dy kompani duke i shkaktuar shtetit 7 milionë euro dëm.Por skandali nuk përfundon këtu pasi edhe për muajin dhjetor konstatohet se energjia vijon të blihet nga ofertuesit më të shtrenjtë duke I shkaktuar një tjetër dëm buxhetit të shtetit.Në faqen zyrtare të internetit Operatori i Sistemit të Shpërndarjes ka publikuar rezultatet e blerjes së energjisë për muajin dhjetor 2014 ku rezulton se ka diferenca të mëdha mes çmimeve sipas kompanive të shpallura fituese dhe kjo llogaritet në 10 % më shtrenjtë..
