Hetimet për luftën në Gaza, Izraeli nuk bashkëpunon me OKB
Nga OraNews Përditësimi i fundit 13 Nëntor 2014, 22:31
Izraeli ka bërë të ditur se nuk ka ndërmend të bashkëpunojë me hetimet që do të kryejë Këshilli për të Drejtat e Njeriut pranë Organizatës së Kombeve të Bashkuara për luftën e këtij viti të zhvilluar në Gaza, duke e quajtur si totalisht të paligjshëm.Raporti i parë i hetuesve të OKB-së pritet të dalë në marsin e vitit 2015 dhe do të përshkruajë sjelljen e shtetit izraelit dhe Hamasit, lëvizjes islamike që kontrollon Gazën.Megjithatë, izraelitët e kanë quajtur maskaradë këtë hetim, duke e akuzuar si anti-izraelit Presidentin e komisionit, akademikun kanadez, Ulliam Shabas dhe komisionin e tij me gjyqet e KGB-së.I shpallur nga OKB-ja që në gusht, Komisioni do të hetojë për akuzat për krime lufte. Përveç Shabasit, në të përfshihen senegalezi Dudu Diene, ekspert i vjetër i çështjeve të të drejtave të njeriut në OKB, si dhe Meri Devis, një ish-gjykatëse në Gjykatën Supreme të Nju Jorkut.Gjatë konfliktit kanë humbur jetën më shumë se 2100 palestinezë, pjesa më e madhe civilë, ndërkohë që pala izrealite ka humbur 67 ushtarë dhe gjashtë civilë.Vetë Izraeli ka nisur pesë hetime në shtator për veprimet e veta në Gaza, sidomos për sulmin e ndodhur në një shkollë të OKB-së atje ku humbën jetën 17 vetë dhe për vrasjen e katër fëmijëve palestinezë në një plazh të zonës.Presioni është i madh mbi aleatin kryesor të Perëndimit në Lindjen e Mesme. Për këtë arsye, sekretari amerikan, Xhon Kerri, ka udhëtuar për në Jordani ku është takuar me Mbretin Abdullah dhe Presidentin palestinez, Mahmud Abaz, në rezidencën e tij në Aman.Jordania ka tërhequr Ambasadorin e saj në Izrael më 5 nëntor, që kur autoritetet vendase mbyllën xhaminë Al-Aksa për një ditë, dhe pas përleshjeve të vazhdueshme me banorët palestinezë të Jeruzalemit.Kjo ishte hera e parë që Jordania ka bërë një veprim të tillë që prej vendosjes së marrëdhënieve diplomatike mes dy vendeve në vitin 1994.
