KLD, Çefa: S'dorëhiqem. Do të ishte kapitullim pa kushte para akuzave qesharake
Nga OraNews Përditësimi i fundit 2 Tetor 2014, 22:47
Tiranë- I ka dorëzuar Komisionit që po e heton dosjen e karrierës së tij në KLD dhe pret të përballet me 10 akuzat e mazhorancës dhe pse beson se fati i tij është paracaktuar dhe ai dokumentacion nuk do të lexohet.Në Tonight Ilva Tare, Elvis Çefa, deklaroi se mbetet i vendosur për ti shkuar deri në fund zbardhjes së të vërtetës, pasi ai bashkë me kolegun e tij nuk mund të mbajnë të zeza e sistemit të drejtësisë në 20 e ca vite.“Dhënia e dorëheqjes do të ishte kapitullim pa kushte, pranim i fajësisë dhe akuzave qesharake, që do zhgënjenin Kryetarin e Këshillit, kolegët dhe publikun”, thotë Çefa, duke deklaruar se nuk ka menduar për asnjë moment të vetëm aktin e dorëheqjes.“Komisioni hetimor dhe nisma e deputetëve është antiligjore”, thekson ai, por shton se është në detyrimin e tyre të provojnë akuzat e ngritura ndaj tij.“Akuzat nuk janë të denja. Deputetët kanë të drejtë të akuzojnë këdo për çdo gjë. Ashtu sikundër kanë detyrimin të provojnë akuzat që ngrejnë. Sakohë që deputetët ngrenë akuza të paqena, akuzohem për diçka që nuk është fare kompetencë e imja. Do të thotë që ai që ka hartuar kërkesën nuk e njeh atë pjesë të ligjit. Kur nuk e njeh ligjin nuk mundesh të kërkosh të vësh dikë me shpatulla pas murit me atë ligj”.Për nënkryetarin e KLD korrupsioni më i madh për sistemin e drejtësisë është kontrolli politik. Shkarkimi i tij dhe anëtarit tjetër të KLD, për Çefën do të ishte atentat për institucionin dhe sistemin gjyqësor.“Sistemi gjyqësor është garancia e fundit juridike që një qytetar ka përballë veprimtarisë shtetërore apo veprimtarisë arbitrare të një qytetari tjetër. Nëse edhe këtë garanci të fundit do ta kontrollonte politika atëherë shteti i së drejtës këtu ka përfunduar dhe nuk kemi çfarë diskutojmë më. Korrupsioni më i madh për sistemin e drejtësisë është kontrolli politik i tij, kjo do të ishte fatkeqësia e vërtetë.Nëse ky komision hetimor do të konkludojë dhe më pas parlamenti do të miratojë kërkesën për ndërprerjen e dy mandateve kushtetues të dy anëtarëve të KLD, precedenti do të ishte jashtëzakonisht i rrezikshëm. Do të lëgjitimonte çdo mazhorancë që do të vinte në pushtet të sillej në të njëjtën mënyrë dhe ky do të ishte atentat për institucionin dhe sistemin gjyqësor”.Pjesë nga intervistaSi jeni ndjerë kur keni parë artikulimin e 10 akuzave të renditura nga deputetë të mazhorancës por dhe akuzat e rikthyera në vëmendjen mediatike të kohës kur ju keni qenë kryetar i Agjencisë të kthimit të pronave?Cefa:Nuk ka qenë ndonjë ndjesi e veçantë sepse kam qenë shpirtërisht dhe psikoligjikisht i përgatitur për këtë situatë. Jo tani, por prej kohësh, falë dhe kontributit të dhënë nga kolegu im në KLD, zotit. Naço. Të gjitha ato të ashtëquajturat shkelje, janë vetëm një përsëritje e saktë e të gjithë thënieve apo pretendimeve që Ministri i Drejtësisë herë pas herë publikisht dhe mediatikisht ka drejtuar ndaj KLD. Kësaj radhe akuzat ishin konkretizuar dhe formalizuar në drejtim të dy anëtareve të KLD, ky ishte i vetmi ndryshim. E prisja.
Si ndiheni që po hetoheni nga parlamenti?Cefa:Përgjithësisht në opinionin juridik të një profesionisti që tashmë ka një karrierë të konsoliduar në administratë, më vjen keq që në 2014 kur Shqipëria është një vend kandidat për në BE të kemi të tilla praktika të rrezikshme jo vetëm për një isntitucion si KLD, por në terësi për sistemin e drejtësisë dhe shtetin ligjor. Personalisht nuk më vjen aspak keq që po hetohem. Pasi e vërteta e të gjithë këtyre të ashtëquajtura akuza do të dalë më në fund në shesh, gjithmonë nëse Komisioni hetimor mban fjalën dhe i bën seancat e hapura me mediat prezent. Dhe pretendimet e mia dhe zotit Lelçaj që jo vetëm që nuk kemi shkelur ligjin, por kemi votuar në zbatim të Kushtetutës dhe të ligjit më në fund do të vërtetohen. Personalisht më intereson opinioni i qytetarëve që në fund na paguajnë.Keni bërë një zgjedhje interesante, keni thënë se do të përballeni me Komisionin e hetimit, do të shkoni atje, pse e bëni këtë kur thoni se nisma është antikushtetuese?Cefa:Në bindjen time elementi i përgjegjshmërisë së një zyrtari është shumë i rëndësishëm. E kam thënë që kjo procedurë është antikushtetuese, antiligjore dhe e rrezikshme për demokracinë. Fatkeqësisht nëse kjo praktikë antikushtetuese do të kushtëzohet me sukses sikurse janë dhe gjasat kjo do të jetë një shenjë që shteti ligjor në Shqipëri realisht është në rrezik. Jeni e bindur se nëse do të shkarkohet Elvis Çefa dhe Lulëzim Lelçaj do të rritet besimi tek sistemi gjyqësor? Me shkarkimin tim dhe të Lelçaj vendoset një precedent ku parlamenti e shkel me dy këmbët Kushtetuitën, nuk konsideron parimin e ndarjes së pushteteve, sigurisë juridike. Me këtë precedent i jepet mundësia çdo shumice parlamentare sa herë që të ketë dëshirë të zëvendësojë persona të caktuar në KLD.Siç bëri shumica parlamentare që ju zgjodhi ju në prill të 2012?Cefa:Jo nuk është kështu, Spahiu ka dhënë dorëheqjen para KLD nuk është shkarkuar. Mbarimi i mandatit të tij të parakohshëm është konstatuar nga KLD, vendi vakant ka mbetur për disa muaj bosh deri sa shumica parlamentare më propozoi mua. Edhe në rastin tim dhe të Lelçaj është respektuar mbarimi i natyrshëm i mandatit të anëtarit të KLD. Gjë që nuk po ndodh sot, Kushtetuta nuk e përcakton në asnjë nen ndërprerjen e mandatit të një anëtari të KLD. Nëse në shumë raste të tjera, Kushtetuta parashikon për titullarë të caktuar parashikon edhe mënyrën e shkarkimit, në rastin e anëtarit të KLD Kushtetuta hesht. Që do të thotë anëtari i KLD zgjidhet, mbaron 5 vjet mandat, nuk ka të drejtë rizgjedhje dhe këtu mbaron historia.Ka dhe një pretendim tjetër, ajo çfarë nuk ndalohet në ligj, lejohet….Cefa: Principi është ndryshe, ajo çfarë nuk është parashikuar në Kushtetutë nuk mund të parashikohet në ligj. Dhe këtu i referohem ndryshimeve të fundit në ligjin për KLD, që ishte dhe justifikimi procedurial i fillimit të gjithë kësaj procedure të shkarkimit. Ka një lidhje me akuzat, pasi ky ligj për herë të parë në mënyrë antikushtetuese parashikoi që “anëtari i KLD shkarkohet në 1,2,3,4 disa raste, ndër të cilat edhe rasti kur shkel ligjin”. Ligji i mëparshëm nuk e kishte dhe jo më kot. Në respektim të parimit të ndarjes dhe balancimit të pushteteve, ky mandat ishte dhe është i paprekshëm në kuptimin kushtetues.Ka një pretendim se detyrimi i vetëm kushtetues i anëtarit të zgjedhur në KLD është përcjellja e frymës së organit legjislativ në KLD, si i përgjigjeni kësaj?Cefa:Është paradoksi i jashtëzakonshëm që po anatemohet vazhdimisht sot. Po tentohet që mandati i anëtarit të zgjedhur nga parlamenti në KLD të jetë mandat politik. Që do të thotë që anëtari të jetë i detyruar të pyesë parlamentin si dhe kur të votojë. Dhe jo më kot mandati i anëtarit të zgjedhur nga parlamenti në Këshill është 5 vjet dhe jo katër sa mandati i një mazhorance politike për të siguruar vazhdimësi dhe pavarësi. Kushdo që pretendon se një anëtar i zgjedhur në KLD duhet të votojë siç urdhëron parlamenti gabon rëndë. Zgjidhen nga parlamenti 3 anëtarë të KLD që janë jurist me një eksperiencë 15 vjeçare, është i vetmi kusht në ligj. Fryma e parlamentit është respektimi i ligjit, jo një votim politik. Ky efekt po tentohet të vihet në jetë.Pretendimi për ju nga kundërshtarët ka qenë se ju nuk keni pasur asnjë ditë pune si gjyqtar, por keni qenë preferencë partiake dhe PD që ju çoi atje.Jo, kërkesa e Kushtetutës është që të mos jetë gjyqtar për efekt të balancimit të mendimeve. KLD dominohet nga gjyqtarët, përfshirë dhe gjyqtarin e gjykatës së lartë janë 10 gjyqtarë. Është natyrshëm që personi që vjen nga parlamenti nuk duhet të jetë gjyqtar.S’duhet të jetë gjyqtar por duhet të jetë mik i mazhorancës së radhës që e zgjedh..Cefa:Absolutisht jo dhe e them me shumë përgjegjësi. Nuk kam qenë asnjëherë anëtar. Në karrierën e parlamentarizimit shqiptar është vërtetuar fakti se shpesh herë janë promovuar dhe propozuar dhe njerëz që nuk kanë një begraund politik. Unë nuk kam begraund politik. Kam punuar në administratën shtetërore që në ’96, me administratë të PS dhe PD. Jam munduar të ruaj një distancë të kujdesshme nga afrimet politike. Drejtor të agjencisë së kthimit të pronave më ka bërë Kryeministri jo PD, pra jo në cilësinë e kryetarit të partisë. Unë besoj që edhe ish-Kryeministri i asaj kohe kur më ka propozuar në Këshillin e Ministrave është nisur nga kriteret e mia si nënpunës me eksperiencë në administratë dhe jo nga përfaqësia politike. Nuk më ka pyetur ndonjë njeri i kujt partie je që të fillosh punë. Nuk kam qenë kurrë anëtar partie.Keni çuar 7000 faqe dokumentacion sot.Cefa:Shpresoj që Komisioni të ketë kohë ti lexoj. Nuk besoj , pasi tashmë ata e kanë shkruar vendimin. Mua më intereson që njerëzve që shohin persona me pushtet që sulmojnë KLD apo dy anëtarët e zgjedhur nga parlamenti dhe që po tentojnë ti faturojnë të gjithë të zezat që ka sistemi i drejtësisë në 20 e ca vite duhet ta dinë të vërtetën. Dhe e vërteta është aty. Po e bëj për transparencë dhe për të respektuar etikën. Jam i bindur se anëtarët e komisionit janë surprizuar kur u ka shkuar dokumentacioni sot. Ne nuk kemi asgjë për të fshehur aty, përkundrazi për tu krenuar.Njerëzit i kanë zgjedhur përfaqësuesit e tyre në parlament dhe janë ata që do të bëjnë kontrollin tuaj.Jo, jo në kuptimin kushtetues. Ju nuk duhet të ngatërroni anëtarin e KLD me një drejtor drejtorie apo një Ministër që është i varur nga ekzekutivi. Nëse i referohemi ligjit ka një ligj organik për mënyrën e funksionimit dhe organizimit të komisioneve parlamentare. Neni 3 thotë “Kuvendi ka të drejtë të caktojë komision hetimor sa herë që fillon procedurën e shkarkimit të zyrtarëve të lartë të parashikuar në nenet, 62,73, 90, 128, 149, 140,162 të Kushtetutës”. Në asnjë nga këto nene nuk flitet për anëtarin e KLD të zgjedhur nga parlamenti. Mund të ishte e drejtë e parlamentit për të hetuar veprimtarinë time, por në ansjë mënyrë si vendimarrës në një organ kolegjial. Supozojmë që është e vërtetë ajo që deputetët kanë konstatuar, Elvis Çefa ka shkelur ligjin. Po ata 12 anëtarë të tjerë që kanë votuar si unë nuk e kanë shkelur ligjin, si do të veprohet me ata?Ka të njëjtën përgjegjësi anëtari më nënkryetarin?Cefa:Nënkryetari sa i përket procesit të votimit është i barabartë me anëtarët e tjerë. Kam të drejtë të propozoj çështje për të futur në rendin e ditës ashtu siç ka të drejtë dhe Ministri i Drejtësisë. Për rastin e zonjës Beçaj, kërkesa është shumë e thjeshtë “kërkoj të konkuroj për një vend në gjykatën e Apelit Tiranë”. Në fakt në kërkesën e saj kërkon që kur të vendoset nga Këshilli plotësimi i vendeve vakante dhe konkurimi të hapet, të marrë pjesë në konkurim. Deri tani nuk është hapur dhe i takon kryetarit ta përcaktojë se kur do ti parashikojë në rendin e ditës. Për rastin e zonjës.Rama besoj se është një praktikë e artë, KLD e ka publikuar argumentimin, çështja është në proces gjyqësor. Në gjykatën e shkallës së parë i është dhënë të drejtë KLD.E keni menduar të jepni dorëheqjen?Cefa:Për asnjë moment, nuk kam menduar dhe as nuk e mendoj do të ishte kapitullim pa kushte. Do të ishte pranim i një fajësie me disa akuza qesharake që nuk janë të denja për një jurist. Do të ishte një zhgënjim për kryetarin e KLD, kolegët dhe njerëzit. Akuzat nuk janë të denja. Deputetët kanë të drejtë të akuzojnë këdo për çdo gjë. Ashtu sikundër kanë detyrimin të provojnë akuzat që ngrejnë. Sakohë që deputetët ngrenë akuza të paqena, akuzohem për diçka që nuk është fare kompetencë e imja. Do të thotë që ai që ka hartuar kërkesën nuk e njeh atë pjesë të ligjit. Kur nuk e njeh ligjin nuk mundesh të kërkosh të vësh dikë me shpatulla pas murit me atë ligj.Rasti i ish-kryeprokurores Ina Rama, a ju duket e drejtë sjellja e pushtetit me përfaqësues të drejtësisë?Cefa:Mund të pranojmë shumë probleme të drejtësisë në Shqipëri, por ajo që duhet të jemi të kujdesshëm është ndikimi politik në sistemin e drejtësisë. Sistemi gjyqësor është garancia e fundit juridike që një qytetar ka përballë veprimtarisë shtetërore apo veprimtarisë arbitrare të një qytetari tjetër. Nëse edhe këtë garanci të fundit do ta kontrollonte politika atëherë shteti i së drejtës këtu ka përfunduar dhe nuk kemi çfarë diskutojmë më. Korrupsioni më i madh për sistemin e drejtësisë është kontrolli politik i tij, kjo do të ishte fatkeqësia e vërtetë. Nëse ky komision hetimor do të konkludojë dhe më pas parlamenti do të miratojë kërkesën për ndërprerjen e dy mandateve kushtetues të dy anëtarëve të KLD, precedenti do të ishte jashtëzakonisht i rrezikshëm. Do të lëgjitimonte çdo mazhorancë që do të vinte në pushtet të sillej në të njëjtën mënyrë dhe ky do të ishte atentat për institucionin dhe sistemin gjyqësor.(Video: Intervista e plotë e Elvis Çefës në "Tonight Ilva Tare")
