Bllokimi i lejeve të ndërtimit, Shoqata e Bashkive në Kushtetuese
Nga OraNews Përditësimi i fundit 4 Shtator 2014, 17:31
Tiranë- Bashkitë e djathta kanë zgjedhur Gjykatën Kushtetuese, për të rrëzuar vendimin e Këshillit Kombëtar të Tërritorit, që bllokon lejet e ndërtimit në të gjithë vendin.Drejtori i Shoqatës se Bashkive, Fatos Hodaj, i cili e ushtron këtë detyrë, që kur Albert Brojka drejtonte Tiranën, thotë se vendimi i KKT-së, është goditja më e madhe në 22 vjet, që i bëhet kompetencave të pushtetit vendor.“ Në ligjin për planifikimin e territorit nuk gjendet një nen që ti japë të drejtën këtij Këshilli për të cënuar pavarësinë, për të asfiksuar pushtetin vendor. Dhe mund të them me bindje se për 22 vjet që pushteti vendor operon, ky është cënimi më i rëndë që i është bërë pushtetit vendor. Pra ti heqësh kopetencën kryesore, se nuk është vetëm leja e ndërtimit, është i gjithë kontrolli i territorit, është asfiksim, është një bllokim i gjithë aktivitetit të Bashkisë”.Hodaj, është i bindur se do të fitojë të drejtën në kushtetuese, pasi sipas tij ekzistojnë vendime të ngjashme në të kaluar që kanë shpallur fitues vendorët.“ Në vitin 2005-2006 për Zogun e Zi ku gjykata Kushtetuese në dy rastet i ka dhënë të drejtë Shoqatës së Bashkive, pra i dha të drejtë pushtetit vendor për kopetencën e cila është e dhënë nga ligji”.Shoqata e Bashkive, po përgatiten për betejën e radhës me qeverinë, duke u bërë gati të ankimojë në Gjykatë Kushtetuese, ndarjen e re territoriale.“ Shoqata e Bashkive e ka një projekt. Por do të dalë me vendim pasi ta shikojë ligjin të dalë nga parlamenti, jam shumë i sigurt që ne do i drejtohemi Gjykatës Kushtetuese edhe për këtë”.
