Vlorë, nisin regjistrimet në konvikte, kapaciteti pritës është 600
Nga OraNews Përditësimi i fundit 3 Shtator 2014, 17:03
Vlorë - Vlora ka nisur regjistrimet për studentët konviktorë, të viteve të dyta e të treta. 31.000 (mijë) lekë të reja u kushton akomodimi në qytezën studenti të Vlorës, të gjithë të rinjve që duan të sistemohen aty, për të ndjekur vitin akademik 2014-2015.Rehabilitimi i dy godinave të vajzave dhe të djemve, tashme ka përfunduar ndërsa janë në pritje të akomodimit vetëm 600 studentë, kur numri i përgjithshëm i tyre shkon në 3500 që ndjekin rreth 17 degë studimi në Universitetin Shtetëror.Rritja e çmimeve të një ambient me qera, ka rikthyer vëmendjen e studentëve te konviktet. Drejtoresha e qytetezës studenti në Vlorë, Arta Luci, tha se tashmë kanë mbërritur studentët e parë, ata të cilët do t’i nënshtrohen provimeve të mbartura.Qyteza studenti gjatë periudhës së verës shërben dhe vend akomodimi për turistë e pushues, kryesisht nga qytete të ndryshme të Shqipërisë, Kosovës e Maqedonisë, duke sjellë kështu të ardhura dytësore të cilat shkojnë si zëra investimesh.
